الرئيس السيسي: أعترف إن أيامنا صعبة.. والست اللي شايلة الشيلة

قال الرئيس عبدالفتاح السيسي، إن أمهات الشهداء قدمن تضحيات كبيرة بعد فقدانهن أبنائهن.
وأضاف في كلمته خلال احتفالية المرأة المصرية والأم المثالية لعام 2023، اليوم الاثنين، بحضور قرينته السيدة انتصار السيسي: "الأيام بتاعتنا صعبة.. بعترف بكده مش علشان أجاملكم ولا أطيب الخواطر.. إحنا واحد.. اللي شايلة الشيلة في البيت هي الست".
وتابع: "النبي محمد صلى الله عليه وسلم قال أمك ثم أمك ثم أمك.. اللي عاوز يتوقف قدامها يفهم إزاي الأم بتعمل دور كبير وكان من إنصاف النبي اللي بيعلمه لينا إنه يقولك خلي بالك.. وفي القرآن حملته أمه وهن على وهن.. مين يقدر شيلة 9 شهور يمشي بيها.. مفيش إلا الست".
ويشهد الرئيس عبدالفتاح السيسي والسيدة قرينته انتصار السيسي، اليوم الاثنين، حفل تكريم المرأة المصرية والأم المثالية لعام 2023، المنعقد بمركز المنارة للمؤتمرات الدولية بالتجمع الخامس في القاهرة الجديدة.
حضر الاحتفال رئيس مجلس الشيوخ المستشار عبد الوهاب عبد الرازق، ورئيس مجلس الوزراء الدكتور مصطفى مدبولي، ووزيرة التخطيط والتنمية الاقتصادية الدكتورة هالة السعيد، ووزيرة التضامن الاجتماعي الدكتورة نيفين القباج، وعدد من الوزراء وكبار رجال الدولة.