شيرين رضا: أذان الصلاة أكتر حاجة بتقربنا من ربنا.. وأنا ضد الصوت الوحش

قالت الفنانة شيرين رضا، إنها ليست لديها مشكلة مع صوت الأذان إن كان مرتفعًا أو منخفضًا.
وأضافت خلال لقائها ببرنامج «حبر سري» الذي تُقدمه الإعلامية أسما إبراهيم، عبر شاشة «القاهرة والناس»: «أنا باتكلم عن مستوى الصوت.. المفروض إن الأذان أكتر حاجة بتقرب الشخص من ربنا.. والأذان بيوصل رسالة يالا نقوم نصلي ونقرب من ربنا».
وتابعت: «أنا مش بعرف أغني ومش كل صوت ينفع يغني أو يؤدي.. مش كل صوت يبقى حلو نحطه في مايك والناس تسمعه.. ده كان انتقادي.. لازم المؤذن يبقى صوته حلو».
وأكملت: «النبي عليه الصلاة والسلام مكنش هو اللي بيأذن.. النبي شاف إن (سيدنا) بلال صوته أحلى فخلاه هو اللي يأذن.. مش كلنا لازم نبقى بنعرف كل حاجة».
وأشارت إلى أن موقفها هذا لا يعني أنها ضد الأذان، متسائلة: «هو أنا ضد ربنا.. ليه بيطلعوني كده.. أنا ضد الصوت الوحش».
ودعت شيرين، إلى توحيد الأذان، قائلة إن هناك أشخاصًا أصواتهم مميزة ولا يعرف أحدٌ عنهم أي شيء، معقبة: «ساعات بنسمع أصوات جميلة وبنسكت علشان نسمع الجمال ده».