الرئيس السيسي يستنكر ضرب الرجل للمرأة: ميصحش أبدا نؤلمها حتى بنظرة

استنكر الرئيس عبدالفتاح السيسي، ضرب الرجل للمرأة، متعجبًا: «ده كلام يجوز يا جماعة؟ ميصحش أبدًا حد في الشارع يؤلم سيدة بنظرة وليس كلمة، ده كلام عجيب».
وأضاف في كلمة له باحتفالية تكريم المرأة المصرية لعام 2022، مساء الأربعاء: «لازم المجتمع كله يتوقف أمام تلك النقاط ويقول إزاي إحنا كده، ونقبل إن بنت أو سيدة ماشية في الشارع حد يؤلمها بنظرة مش بكلمة».
وشدد على دور القوانين والدراما والإعلام والمثقفين والمفكرين والمسجد والكنيسة، في تعليم الناس ممارسة التعامل الإنساني والتعامل بين الرجل والمرأة، مضيفًا: «إحنا كلنا مطالبين بده، لأن اللي عمل كده هو ابني وابنك».
وتابع: «هل شكلنا الأمر في بيتنا إن الولد يخلي باله وميعملش كده؟ هل ده موضوع محل اهتمام؟ إحنا مهتمين بالتعليم بس، لكن هل كبشر وأمة وناس نصيغ شخصيات أولادنا إنه أبدًا ميكونش كده؟ هل هو موضوع مهم في بناء الطفل؟».