فيديو| مداخلتان إنسانيتان.. كل ما قاله الرئيس السيسي ل«من مصر»

أجرى الرئيس عبد الفتاح السيسي، مساء الأحد، مداخلتين متتاليتين مع برنامج "من مصر" الذي يُقدمه الإعلامي عمرو خليل، عبر شاشة "cbc"، استجاب خلالها لمطالب سيدتين إحداهما تُدعى محروسة، التي تحدت إعاقتها وتعمل قائدة تروسيكل، والثانية جيهان منصور، التي تعمل في ورشة تصليح الكاوتش لرعاية أسرتها.
وأدلى الرئيس السيسي، بعدد من التصريحات، تستعرضها "الشروق" على النحو التالي:
- (خاطب السيدة محروسة): أنا سعيد وأهنيكي.. إنتي نموذج لكل ست مصرية بجهدك وعملك وأصلك.
- كل شيء مطلوب هنعمله حاضر.. بس ياريت متحرميناش من دعواتك
- ربنا يجبر خاطرك ويعينك ويوفقك ويطرح البركة في جهدك وتشوفي ده في أبنائك
- إنتي تغلبتي على تحديات كثيرة في ظروفك الشخصية وزوجك المريض وتعليم أبنائك
- أقبلَتْ على الدنيا بإرادة طيبة وربنا وفقها وخلاها تبقى راضية.. سمعتها بتقول إنها بتاكل أكل بسيط وكان بالنسبة لها زي الشهد.. صاحب الوجود هو اللي بيخلي الناس متنعمة بالقليل أو متعذبة بالكتير
- اسمحيلي أقف جنبك في كل اللي بتتمنيه، كبنت ليا
- إسعاد المصريين هو أملي في الحياة.. ربنا وحده اللي يعلم إن هي دي الأمنية والحلم اللي عندي.. ربنا يعيننا على كده
- السيدة المصرية تمثل نموذجًا راقيًّا
- الدولة تبذل أكبر جهد ممكن لتحسين الأوضاع وتوفير العمل
- استمرار الزيادة السكانية بالوضع الحالي سيجعل المشكلة صعبة
- لما بتكلم مع الناس في الشارع لا أتعرض لهذا الأمر.. الناس بتكون بتشتكي همها مش هينفع أقولهم كده.. بسمع وأحاول أخفف عنهم وخلاص
- (مخاطبا السيدة جيهان).. لما تقول عاوزة أكلمه يبقى لازم أنفذ.. أنا بشكرك على اللي إنتي عملتيه
- عاوزك متشيليش الهم.. بشكرك على اللي ربتيهم وجوزتيهم، أجرك كبير أوي أوي عند ربنا وعشان كده أي حاجة بتطلبيها ربنا بيستجيب
- كان صعب عليا أوي أسمعك بتقولي عاوز أكلمه ومكلمكيش، مقدرش، ليا الشرف
- برنامج تكافل وكرامة تستفيد منه 3.7 مليون أسرة.
- تكلفة البرنامج 19.5 مليار جنيه رغم أن المبلغ الذي تتقاضاه كل أسرة غير كبير.
- سيتم إعلان إجراءات حماية اجتماعية خلال اليومين المقبلين لتخفيف الأعباء الناجمة عن الآثار الاقتصادية الراهنة التي لم تتسبب فيها الدولة من الأساس
- إحنا بخير وعندنا السلع الأساسية متوفرة بشكل جيد لعدد شهور مناسب
- حرصت خلال السنوات الماضية أن يكون هناك احتياطي مناسب يكفي ثلاثة أو أربعة أشهر على الأقل لمجابهة أي تطور وتمكين الفرصة لاتخاذ أي إجراء
- لا يوجد نقص في أي سلع سواء الزيت أو القمح أو الأرز
- المشروعات القومية عندما بدأ تنفيذها تساءل الكثيرون عن جدواها
- صوامع القمح حافظت على نحو 20% من القمح المفقود سنويًّا
- هناك كمية قمح متوفرة تصل إلى 5.7 مليون طن، ونعمل على إنشاء المزيد من الصوامع في الفترة المقبلة
- زيادة إنتاجية محصول القمح بمعدل مليون فدان خلال عامين من خلال مشروعات التوسع التي يتم تنفيذها
- الدولة تعمل على محاولة تقليل الاعتماد على الخارج
- الأمر ليس فقط في توفير السلع الأساسية لكن أيضًا تحسين حياة المواطنين سواء في التعليم أو الصحة أو الإسكان أو التشغيل
- أحرص على الاستماع للناس.. مقدرش أبدا أغفل أو أتجاوز أي حاجة تيجي قدامي، مقدرش عشان هتحاسب من ربنا سبحانه تعالى لو شفت وطنشت وسكت
- فيه مشكلات أكبر من المناشدات التي استجيب لها.. فيه بيوت كتير وناس كتير في مصر عندهم مشاكل كتير بس على الأقل اللي أشوفه أساعد في حله
- أتمنى إن إحنا كلنا كمصريين ومسؤولين نبقى عارفين إن اللي هيخفف عن حد ربنا هيخفف عنه وهييجي علينا يوم ونقف قدام ربنا ويمكن كلمة وشفاعة من أخت زي جيهان أو محروسة أو أي حد تاني تكون دي شفاعة طيبة ويقولوا لما شافنا حاول يحل ويساعد.
- والله ربنا وحده اللي يعلم إن إحنا بنعمل كل ده مع الناس كلها عشان ميكنش فيه حد محتاج أو محووج، إحنا ظروفنا صعبة أوي
- خلوا الناس الطيبة تدعي إن ربنا يفرجها علينا، ولما يفرج علينا هنفرج على الناس كلها مش هنسيب حد، إحنا مورناش غير كده
- المشروعات التي تنفذها الدولة حاليًّا تستهدف توفير فرص تشغيل لكل المواطنين
- حجم العمل الذي يتم تنفيذه أتاح الفرصة لضخ أموال
- فيه ناس مش بشوفها ولا أقدر أوصلها.. بوصلها من خلال الشركات اللي معايا وتجيب ناس تشتغل
- الدولة تبذل جهودًا كبيرة من أجل تحسين حياة المواطنين.
- على عيني اللي إحنا فيه وربنا وحده اللي يعلم.. ربنا يقوينا جميعًا
- هناك مئات الآلاف من السيدات اللاتي تحتاج للمساعدة.. ممكن إحنا مش شايفينهم وصوتهم مبيوصلناش
- ربنا اللي يعلم إني أنا شايفهم وحاسس بيهم وبجري على قد ما ربنا يقدرني
- جهد الدولة أقصى ما يمكن عمله، لكن أقصى ما يمكن عمله غير كاف
- عاوزين نكون أمناء مع نفسنا وقضيتنا، مواردنا ودخلنا مش على قد حجمنا خالص، حتى مرتبات الناس ودخلهم لا تتناسب مع حياة كريمة للأسر والبيوت