فعاليات الندوة التثقيفية.. يحيى الفخراني: الشهيد حدوتة مصرية وطاقة إيجابية نتحرك بيها لقدام

شاهد الرئيس عبدالفتاح السيسي، صباح اليوم الأربعاء، فيلمًا تسجيليًا بعنوان «من كل بيت مصري»، يتحدث عن الشهداء وتضحياتهم، بتعليق صوتي من الفنان القدير يحيى الفخراني، وذلك ضمن فعاليات الندوة التثقيفية الخامسة والثلاثين، بمناسبة احتفال القوات المسلحة بيوم الشهيد والمحارب القديم.
وقال «الفخراني» تعليقًا على الفيلم: «من إحساس الحزن لحظة ما ييجي الخبر، وزهوة الفخر اللي بتتحول زغاريد بعد الرضا بالمكتوب، يعيش الشهيد ويملا مكانه في القلوب قبل الشوارع والبيوت».
وتابع: «ورا كل باب من بيوتنا ألف حكاية وحكاية، تروي سيرة ملهاش لا بداية ولا نهاية، سيرة موصولة من شهيد لشهيد، وشوش طيبة وهدف واحد، تراب الأرض اللي كل شبر فيها هو الهدف من الغاية بطول مصر وعرضها، خريطة ملهاش حدود في شوارعنا وحوارينا».
وأردف: «في بيوتنا الطيبة أسماء كتير متسطرة بالنور، في دفتر بطل لا بينسى اللي وفا ولا اللي ضحى عشان يطرح في أرضه الخير، يوم ورا يوم بتتسجل أسامي، وبنعيش قصصهم وحكاياتهم، أصحابنا أقرايبنا وناس طيبين وشقيانين، وفلاح فات زرعته عشان يحافظ على الوطن، على شرفه وعرضه وعزوته».
وتابع: «أسماء ياما غنينا لمشواريهم وقصص بطولاتهم لكن مهما اتقالت الحكايات واتغنيت قصايد واتكتبت روايات.. الشهيد حدوتة مصرية متقسمة حلقات، ألوف مؤلفة وأسماء كتير، ناس ربنا اختارهم يثبتوا إن في حياتنا حاجات تستاهل أي تضحية نقدمها، عشان كده هيفضل رمز الحنين والاحترام وطاقة إيجابية نتحرك بيها لقدام».
ويشهد الرئيس عبد الفتاح السيسي، صباح اليوم الأربعاء، الندوة التثقيفية الخامسة والثلاثين، بمناسبة احتفال القوات المسلحة بيوم الشهيد والمحارب القديم، بحضور المستشار حنفي جبالي، رئيس مجلس النواب، والمستشار عبد الوهاب عبد الرازق رئيس مجلس الشيوخ، والدكتور مصطفى مدبولي رئيس مجلس الوزراء، والفريق أول محمد زكي القائد العام للقوات المسلحة وزير الدفاع والإنتاج الحربي، وعدد من الوزراء وكبار رجال الدولة وقادة القوات المسلحة.
وتأتي الندوة في إطار احتفالات مصر والقوات المسلحة بيوم الشهيد والمحارب القديم، والتي توافق ذكرى استشهاد الفريق أول عبد المنعم رياض، رئيس أركان حرب القوات المسلحة الأسبق، في التاسع من مارس عام 1969.