ألقت الأجهزة الأمنية في القاهرة، مساء اليوم، القبض على المتهم بالتحرش بالفنانة كارولين عزمى، فى أثناء مرورها بسيارتها بمنطقة النزهة. دلت تحريات المباحث التى أشرف عليها اللواء نبيل سليم، مدير مباحث القاهرة، أن واقعة القبض على المتهم بالتحرش بالفنانة كارولين عزمى وقعت داخل أحد شوارع منطقة النزهة. وأضافت التحريات أن المتهم سائق بشركة توصيل شهيرة وقام بارتكاب حركة خادشة للحياة بيده، وتم ضبطه بعد أن قررت الفنانة تحرير محضر بالواقعة وتصويره بالفيديو. ونشرت الفنانة كارولين عزمي فيديو عبر حسابها الشخصي بموقع التواصل الاجتماعي "إنستجرام"، توثق خلاله تعرضها للتحرش أثناء قيادة السيارة. وعلقت كارولين على الفيديو قائلة: "أنا اللي يعرفني أو متابعني عارف أني شخص مالوش في المشاكل ولا عمري شاركت مشكلة تخصني على سوشيال ميديا". وتابعت: "باختصار النهاردة كنت في عربيتي وجنبي عربية فيها واحد كسر عليا كل اللي عملتوا أنا بصتله وبصيت قدامي ف لقيته بيكرر نفس الحركة تاني باستظراف روحت طلعت الموبايل وعملت نفسي بصور عشان أخوفه وأخليه يبطل يضايقنى اتفاجأت وهو بيقولى بتصوريني يا بنت "لفظ خارج".. ساعتها اتخضيت وبدأت اصور بجد وانتو هتشوفو في الفيديو الحركات اللي بي أيده والشتايم.. وبدأ يقولي تعالي ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش أصور 1٪ من اللى عمله الشخص دا". وذكرت: "أنا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بُقي لمجرد إنه شخص مريض.. أكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى إنه يتصور ويتفضح.. انا عايزه حقى يرجعلي".
