مي حلمي تهدد المتطفلين على حياتها: «في حاجات اسمها قضايا تشهير»

نشرت المذيعة مي حلمي، مقطع فيديو لها، عبر حسابها الرسمي على إنستجرام للرد على كل ما أشيع عنها، بعد طلاقها من المطرب محمد رشاد، وظهرت في الفيديو بدون ماكياج وبدا على وجهها الإجهاد الشديد.
وقالت مي في الفيديو، "وبعدين.. أنتوا ميتقالكمش غير وبعدين، أنتوا حاشرين نفسكم في تفاصيل حياتي أكتر مني، الواحد يتجوز يتطلق، أنتوا مالكوا، أنتوا حاشرين نفسكم في تفاصيل حياتي أكتر مني ليه".
وهددت كل من تطاول عليها، وقالت "عاملة سكرين شوت لكل قلة الأدب، في حاجات اسمها قضايا تشهير، أنا اتعلمت، كلام السوشيال ميديا بيتم فيه إيه وبيحصل فيه إيه، دا العادي، قولوا اللي عندكم، بس اللي مزعلني في اللي حصل دا حاجة واحدة بس، موضوع فستان الفرح بتاع البنات، خلاص مانا عندي 4 غيره اتبرع بالأربعة لأربعة تانيين دا بس مزعلني عشان فرحة البنات".
وكانت مي دعت المتزوجات بإهداء فساتين زفافهن لغيرهن ممن لا يستطعن شراء الفساتين.
جدير بالذكر أن محمد رشاد أعلن خبر انفصالهما عبر إنستجرام، وكتب قائلًا "أنا أريد وأنت تريد والله يفعل ما يريد".