مخرج «ورد مسموم»: اختيار الفيلم لتمثيل مصر في الأوسكار لا يعني ترشيحه للفوز بالجائزة

أعرب المخرج أحمد فوزي صالح، عن سعادته برحلة فيلمه "ورد مسموم"، وأن صناع العمل نجحوا في تقديمه في ظروف صعبة، وتعلموا كثيرا من أخطائهم فيه، والمشاكل التي واجهتهم ليتعلموا منها فيما هو قادم، قائلا: "كنا سعداء جدا باختيار الفيلم في مسابقة الأعمال الأولى في مهرجان روتردام كعرض عالمي أول للفيلم".
وأضاف: "دلوقتي بتيجي لحظة الترشيح للأوسكار واللي ناس كتير بتتناقل الخبر بشكل خاطئ، بداية احنا سعداء بأختيار اللجنة للفيلم عشان يمثل مصر في الأوسكار، ولكن ده تقليد سنوي بيحصل من سنين كتير، احنا بنشكر الناس علي سعادتهم لينا، بس حابين نوضح أن ترشيح الفيلم لا يعني مشاركته في المنافسة النهائية(واللي احنا عارفين انها حاجة صعبة)".
وأوضح أن رحلة صناعة الفيلم الأول هي الرحلة الأصعب اللي الذي يقوم فيها صناع الفيلم بالتعلم منها سواء فتيا أو إنتاجيا، وتكون محاولة بهم في تقديم أسلوبهم ولغتهم، وهذا هو الأهم، قائلا: "مش مهم ينجحوا أنهم ياخدوا جوايز كتير، ويلفوا مهرجانات اكتر، المهم بالنسبة لنا أننا نستمر في صنع الافلام اللي عايزين نعملها".