فضل ل زناتي المسابقات: عمره ما خذلني.. وبراهن عليه

طالب محمد فضل عضو اللجنة الخماسية المؤقتة لإدارة اتحاد الكرة الجميع بمساندة حسام الزناتي في منصبه الجديد كمديرًا للجنة المسابقات بالجبلاية.
وكانت اللجنة الخماسية قد أعلنت عن تعيين حسام الزناتي مساعد مدير بطولة الأمم الأفريقية مصر 2019 ، مديرا للجنة المسابقات وتعيين سيد بخيت مقررا للجنة.
ونشر فضل صورة له برفقة حسام الزناتي عبر حسابه الخاص على "فيس بوك" خلال تواجدهما بمنافسات كان 2019، معلقًا عليها :"حسام الزناتي ...اسم ناس كتير متعرفهوش لكن كان دوره كبير أوي في البطولة الافريقية مكنش بينام علي طول بيشتغل مخلص شاطر نضيف عنده مبادئ جدع كل الناس بتحبه جدا من اول نظرة وتعامل".
وتابع عضو اللجنة الخماسية:"حسام كنت بطلب منه في البطولة أي حاجة في أي وقت وابقي عارف ان الtask ده خلص وكويس جدا ،كان علي طول الشخص اللي عمره ما خذلني، كان مش دراعي اليمين في البطولة لا ده كان كل حاجة".
وأكمل محمد فضل:"كل الناس بتحبه بجد عنده كرامة وشخصية وان شاء الله زي ما راهنت عليه في البطولة وكسر الدنيا وكل الناس كان نفسها يبقي معاها (الاتحاد الأفريقي -Lagardere )هيعمل حاجة محترمة ومشرفة للكرة المصرية .. ساندوه علشان ده كادر قوي وهفكركم هيبقي فين ان شاء الله بعد كدة...ربنا يكرمك يا حبيبي".