خالد الجندي: «اللي بيتطاول على الله بيبقى زي الكتكوت المبلول وقت المصيبة»

حذر الشيخ خالد الجندي، عضو المجلس الأعلى للشؤون الإسلامية، من دخول الإنسان في وضع تحدٍ مع الله، معقبًا: «متخليش نفسك في وضع تحدي، وساعتها تروح صادم نفسك».
وأضاف خلال تقديمه برنامج «لعلهم يفقهون»، المذاع عبر فضائية «دي إم سي»، مساء اليوم الثلاثاء: «بنقول ندي لنفسنا دروس إن محدش كبير على امتحان ربنا، إحنا بنشوف كلنا الجبابرة اللي بيتطاولوا على الله، أول ما بتجيلهم مصيبة، بيبقوا مساكين وزي الكتكوت المبلول، ويقولوا ادعوا لفلان وادعوا لفلانة».
واستطرد أنه ساعة وقوع «المصيبة» لن يجدي الأسف أو الاعتذار عن الدخول في هذا التحدي مع الله، مضيفًا: «ساعة المصيبة مش هينفع إنك تقول أنا آسف وكنت غلطان وخلاص يا رب، لأن العقوبة لو نزلت هتبقى عملية صعبة، وبلاش تعرض نفسك للتحدي الإلهي وتكون جريء في التحدي مع الله».