السيسي: عشت هزيمة مرارة 1967.. وأتذكر جيدا كل مقال كتب في ذلك الوقت

قال الرئيس عبد الفتاح السيسي، إنه لم يتم الترتيب له لإلقاء كلمة اليوم، مضيفًا: «من حقي أكلمكم كإنسان مش كرئيس لمصر، عن مرحلتين مرينا بيهم، مرحلة حالية ومرحلة أثناء الحرب».
وأضاف «السيسي»، خلال حضوره الندوة التثقيفية ال29 للقوات المسلحة، صباح الخميس: «أنا من الجيل اللي عاش المرحلتين، وفاكرهم بدقة شديدة»، موضحًا: «الكلام لما يتقال محتاجين ندوقه ونعيشه مش نسمعه فقط»، على حد تعبيره.
وأوضح: «أنا عشت تجربة هزيمة 1967، ومكنتش كبير أوي، لكن فاكر كل التفاصيل وكل مقال اتكتب في الوقت ده، وفاكر مرارة الهزيمة اللي عاشتها مصر، وإحنا عايشين دلوقتي معركة لها مرارة أيضًا، لكن الفرق كبير».
وأشار إلى أنه «خلال مرحلة الحرب كان العدو واضح وكذلك أيضًا الإمكانيات، لكن حاليًا العدو غير واضح».
ويشهد الرئيس عبد الفتاح السيسي، صباح الخميس، الندوة التثقيفية ال29 للقوات المسلحة، تحت عنوان «أكتوبر تواصل الأجيال».