هاشتاج «تامر حسني» يتصدر «تويتر» بعد إعلان مستشفى 57357

دشن رواد موقع التغريدات القصيرة «تويتر» هاشتاج «تامر حسني» تعليقا على إعلان مستشفى 57357.
ونشر بعض المغردين تعليقات كان من ضمنها: «مؤسسة مستشفى سرطان الأطفال 57357 حاجة جميلة وعظيمة جدا عن كمية الفرحة والبهجة والسعادة مؤسسة تستحق على مجهودها وتميزها الفنان تامر، بجد بيثبت كل يوم إنه إنسان بمعنى الكلمة فنان يستاهل كل التقدير والاحترام»، ونشر آخر: «إعلان تامر حسني، مفيش شفقة فيه طاقة إيجابية فيه بهجة فيه أمل فيه حياة فيه تحدي وعزيمة جميل بكل المقاييس».
وكتب مستخدم آخر: «الراجل ده من أكتر الناس اللي بشوفها متواضعة وبيعمل خير كتير وبيقف جنب أي حد وبعيد عن أغانيه بتحبها ولا، بس الراجل ده يستحق الاحترام»، وكتب آخر: «الإعلان بتاع 57357 دا حكاية أكتر إنسان بجد شوفته متواضع وبيحب الناس بجد تامر حسني إنسان بكل ما تعنيه الكلمة كان فتى أحلامي وأنا صغير».
فيما أضاف مستخدم آخر: «إعلان تامر حسني بكل إعلانات رمضان حرفيا، خلاني أعيط وأضحك وأحزن، البني آدم ده يستحق كل الشكر والتقدير والاحترام على صدق مشاعره اللي ظهرت في خلال كام دقيقة، الله يشفي كل مريض ويرجعلهم ضحكتهم من تاني، الله يلعن السرطان، ويلعن الوجع، ويلعن الكيماوي».
‏ووصل عدد التغريدات 9 آلاف و570 تغريدة.