وزير الطيران للنواب: مستعدون لاستقبال الرحلات الروسية.. والسائح «مش هيزعل»

قال شريف فتحي وزير الطيران المدني، إن المطارات المصرية جاهزة لاستقبال الرحلات الروسية بدءا من فبراير المقبل.
وأضاف مخاطبا النواب في اجتماع لجنة السياحة اليوم بمجلس النواب، لمناقشة عودة السياحة الروسية، قائلا: "انسوا موضوع أمن المطارات، احنا اللي بنعمل منه أزمة من كثرة كلامنا عنه، الدنيا مكانتش سايبة و اللي بيحصل دلوقتي شيء مشرف".
وسألت رئيسة اللجنة النائبة سحر طلعت الوزير عن إجراء خلع الأحذية أكثر من مرة أثناء عبور بوابات الأمن داخل المطارات، فرد قائلا: "التأمين على قدر التحديات و كافة الدول تلتزم بتلك المعايير، ونحن نصمم على الالتزام بأعلى الإجراءات الأمنية».
وتابع: «فيه ناس عاوزه تتعامل زي الدول الأخرى بدون فهم للواقع، السايح هيزعل لو ما لقاش إجراءات أمنية ، لكن مش هيزعل لو وقف 20 دقيقة زيادة ، ومحدش يقولي انه مش بيقف و ينتظر في مطارات الخارج».
وطالبت النائبة جميلة عثمان، بضرورة وجود كيس يرتديه المسافر عند خلع الحذاء، فرد الوزير : "أنا كنت في امريكا و لندن قريب ومفيش الكلام ده ولكني سأدرس الموضوع".