سوء تفاهم …

عفوا ياحبيبى على سوء التفاهم ..
.انت فاكر انى سبتك بسبب تجاهل
وماطلعتش بحبك وبخترع المشاكل
انت فاكر انى بستقوى بضعفك…
واما حسيت بغيرتك قولت اساومك
انت فاكر انى بعرفك لعززززك …
وانك لو وقعت مش هابقى جمبك .
انت فاكر ان قلبى ماتحرقش على غيابنا..
وصوتك مش بينظم نبضى
وغيرتك بتحددلى قيمتى
. . انت فاكر انك مش فارقلى
انت مهما بعدت روحك جوا منى
. بس مهما حكيتلك مش سامعنى
اصل انا مابقولش محتاجه شىء .
.غير لو خسرت كل شىء
اهتمامك يفيد بايه… لما يبقى بالخناق…
طب شفتك كل قد ايه …متفرقين قبل الفراق
الكلام الى يطمن مايجيش بالرجاء
واما اسهر مع دقات الساعه مستنياك
وضربات قلبى بتتخانق معاك .
واقول ابقى ذكيه واعمل مسمحاك
غلتطى انى كنت ساكته …
قبل ماقفل كل مره السكه
يمكن كان لازم اقولك
ممكن تقولى كلمه حلوه
ممكن تحكيلى بشرح كثير .
عملت ايه فى كل لحظه
ممكن حقيقى تخلصلى
وماتخونش حتى بنظره
ممكن وانت وسط شغلك
تبعتلى قلب او غنوه
ممكن تشيل المسؤليه
وتاخد معايه خطوه
ممكن تفهم انى ضعيفه
محتاجه ضهر لبكره
ممكن تخلينى ماشكش
ان فحياتك واحده تانيا
وانى مجرد صوره حلوه
…..سايبها فى حياتك خلفيه
وانى ماخطرتش على قلبك
ولا اصلا حاسس بيا
وانى انا بس الى بحبك
ومافهمتش علشان غبيه
ماعرفتش اطلب حاجه .مش هيكونلها قيمه
لما اطلبها ببجاحه . او حتى بطيبه
شوقك وثقتك فيا … ماتنفعش بتوصيه
ماينفعش توجعنى .. وابان انا الضحيه
كان لازم ابان قويه. وادوس عليك وعليا
واقولك ابعد عنى وماتتصلش تانى بيا
كان لازم اهرب منك … عشان اقدر اسامحك
وساعتها هاقيم حبك او ابيع القضيه
كان لازم لما اعاتبك اجيب اخرى و اخرك
عشان لو ماحستش يكون الهجر منك
كان لازم ارتاح …من حيرتى وتفكيرى
واسيبلك القرار
ياتبعنى .. ! ..ياتشترينى