حب حتي الفناء

سهرت طول الليل
اعده بستناك
بسأل نجوم الليل
عنك وعن هواك
لاجاني عنك خبر
ولا حتي فين القاك
سألت كل البشر
حتي الطير ع الشجر
حيران بيستناك
سافرت كتير بلاد
اسأل اللي عاد
يكون كده معاهم
مالقيتش له أثر
ولا حتي خبر جاهم
فضلت اطوف بلاد
اسأل عمرو وذياد
ماحدش شاف حبيبي
فين حبيبي ياولاد
لقيت سلسله معاهم
مكتوب عليها وفاء
ماتبكي ع الفراق
انا روحت للخلاق
لكني م الأحياء
ورغم اني في الجنه
أنا قلبي ليكي مشتاق
بس دا ميعادي
مكتوب في الأوراق
وصيتي ماتبكي
وتحرقي الأشواق
اياكي يوم تحزني
وتاخدي فيه عزاء
انا شهيد الوطن
دي شهاده العظماء
اوصيكي بأمي
بوسي هالي صبح مساء
قوليها غصب عني
انا لوطني فداء
كان نفسي اكون في حضنك
وتلبسيني رداء
واياكي يوم دمعها
ينزل كأنه اناء
خدي بالك منها
خدي بالك منها
ودا اخر رجاء
طالب منك في الصلاه
تصبري قبلها بالفاتحه
وكام دعاء
وكل يوم في المسا
راح اجيلك ع الأضواء
لحد يوم اللقا
ازفك عروس حسناء
ما انتي الحبيبه وفاء
وانا قلبي ليكي مشتاق
اول واخر حب
هديه من السماء
واكتب علي فستانك
مشتاقه ومشتاق