الاهلى والزمالك وموعد مع القدر

لايخفى على اى كروى الان فى مصر أهميا مباراتى النادى الاهلى ونادى الزمالك أمام أورلاندوا بايرتس بطل جنوب افريقيا والنجم الساحلى بطل تونس فى إياب الدور قبل النهائى للكونفدراليه الافريقيه والمقرر اقامتهم السبت والاحد القادمين .
بدايتنا مع النادى الاهلى واللى خرج بنتيجه سلبيه امام قراصنه ارولاندوا فى مباره الذهاب بالهزيمه 0/1 واللى ظهر فيها الاهلى بمستوى جاف جدا زى يوم حر مفهوش نسمه هوا .
خلونا نتكلم كفنيين على رأى كبتنا فاروق جعفر , النادى الاهلى يعانى بشده لغياب الكابتينو حسام غالى وده اللى عمرنا ماشفناه قبل كده فى الاهلى انه يعانى لغياب لاعب مهما كان اسمه لكن ما علينا , على النادى الاهلى نسيان مبارة الذهاب نتيجه وإداء اذا اراد الفوز باكثر من هدف فى مباراه السويس القادمة لابد من رفع معدلات الثقة قبل اللياقة عند اللاعبين ثقتهم فى ان الفانلة الحمرا تظل هى المرعب الاول لكل انديه افريقية .
ولو اتكلمنا اكتر فنيا ونحاول نقدم بعض الافكار اللى تساعد الكابتن فتحى مبروك فى ادارته للمباره من وجهه نظرى ان انسب طريقه للعب المباره 4-2-3-1 والاعتماد منذ البداية على صالح جمعه كمايستروا لنص الملعب وبجواره فتحى قدامهم رمضان والسعيد وايفونا ومهاجم وحيد انطوى ونجيب وسعد قلبى دفاع والاطراف صبرى رحيل وباسم على ولا خلاف على حارس العرين شريف اكرامى , الضغط اللى هيمثله ايفونا ورمضان من الاطراف وتسديدات ومراوغات السعيد من المنتص مع وجود الداهيه انطوى فى الهجوم اعتقد ان هيوصل النادى الاهلى للمراد من هذه المباره والوصول للنهائى وتكرار انجاز الموسم السابق والفوز بالبطوله
مافيش تونسى واحد يوحد ربنا كان يحلم ان النجم هيكسب الزمالك خمسه ومكنش فى مصرى واحد يوحد ربنا برده ان الزمالك يشيل خمسه فى تونس خصوصا بعد فوزه على النادى الاهلى فى نهائى الكأس بعد اداء قوى وراقى وجمعه بين الدورى والكاس بعد غياب 27 سنه ..ولكن
حابب اقول للاعيبه قبل الجمهور ان فى نهائى اوروبا 2006 بين الميلان وليفربول كانت النتيجه وصلت لثلاثيه قبل النهايه ب30 دقيقه … لكنها المجنونه كره القدم فاز ليفربول فى النهايه بعد تعويضه للثلاثيه والفوز بركلات الجزاء امثله كتير على العوده من بعيد لكن لازم تكون ثقه اللاعيبه اعلى من برج القاهره اذا ارادوا تحقيق المعجزه .
كان هيفرق كتييييير تواجد الجمهور كان هيزلزل الملعب هيزرع الحماس للاعيبه الزمالك وهيصدر التوتر للاعيبه النجم بس اللى لازم لاعيبه الزمالك تعرفوا ان جمهور مصر مش بس جمهور نادى الزمالك مستنى منهم العوده والوصول للنهائى وتقدر تعملها يا زمالك
وخلونا نتكلم كفنيين بقى ادارة فيريرا للمباراه الاولى كانت عقيمه جدا وعليه علاج هذا العقم فى مباراه العوده فيريرا مش هيفيدوا الفوز بواحد او اتنين محتاج اربعه للتأهل وده عاوز خطط مختلفه والفرق بين المدرب واخر هو االابداع لازم يكون المدرب مبدع فاهم مش حافظ همسه فى اذن فيريرا ان معروف يوسف اشول وانه ممكن ببساطه يحل ازمه الشرق الاوسط ازمه الباك الشمال فى نادى الزمالك وان والمصحف وكتشاب الله (ش مقصوده ) حماده طلبه مش باك شمال .اذا لعب معروف فى الجنب الشمال واعتمد على كوفى فى نص الملعب لتعويض غياب افضل نص ملعب فى مصر حاليا توفيق وصلاح لوجودهم فى المنتخب العسكرى ده هيساعده جدا فى السيطره على منتصف الملعب ويلعب دويدار جنب جبر فى الدفاع ولابديل عن الشناوى فى حراسه المرمى اما عن فرسان المقدمه اعتقد ان الرباعى ( كهربا –مرسى-حمودى –حفنى ) يقدروا يهدوا اى دفاع فى افريقيا .
همسه فى اذن الاهلى والزمالك خلونا نقضى سهرة سعيده السبت والاحد وامانه متنكدوش علينا ده احنا لسه خارجين من عيد .امنيتنا للاهلى والزمالك بتحقيق الفوز والوصول للنهائى عشان نشوف النهائى المصرى للبطوله الافريقيه وانجاز جديد للكرة المصرية وقتها هيكون