كداب مهما تقول

كداب ياللي تقول
الحب مالوش اصول
هاحب ليل ونهار
واكتب كلام في سطور
اضحك عليها بورده
وحبه كلام وزهور
ولما يجي الميعاد
اتخفي وراء السور
اعد يوم واتنين
او حتي كمان شهور
ارجع اقول سامحيني
ربك حليم…. غفور
وان كنتي بتحبيني
الحب اسمي شعور
ولا انتي قلبك ايه
حطوا مكانه صخور
سامحيني يانور عيني
دا انتي الشعاع والنور
انسي كل اللي فات
يا اجمل بنات الحور
ولا تحبي تشوفيني
من سكان القبور
لا لا يانور عيني
قلبي انا المبتور
امرك غريب والله
ذي ماتكون مسحور
تغلط كل…. مره
وتقول انا مشغول
اصلك اكيد مغرور
واللي يصدقك تاني
يبقي صحيح مخمور
علشان سامحتك مره
فكرت مش هاثور
وافضل كده علي طول
كداب مهما تقول
كداب مهما تقول
اصلك صحيح معذور