ما اتغيرتش

نفس ملامحك
بس الفرق ما بينى وبينك
ان انا جايلك وانت رافضنى
زى الارض ما شايله الكل
ثارت هاجت لما شالتنى
.......
شايفك متخيلنى الخوف
اللى بيرسم كل ملامحك
عمرى ما يوم يهنالى فراقك
ولا راح اخونك ولا راح اغشك
تقل الحمل يهد كتافى
محروم حتى اصرخ او اقولك
......
ارفع راسك
ما توطيش وتدوسنى بعينك
عايز ارجعلك انا واتعلم
درس الصبح اللى انا سميته
جوه فى نن العين راح اشيلك
......
لا تجمع هم ايامى
ولا تتغطى بيه وتنام
خاصمنى حتى فى احلامى
ولف الجرح بيا ونام
شايف قدامى كام كرسى
وفى الاخر فقى اعمى
وكوم نسوان
ولون الشمس مش واحد
من الالوان
وفى نص الطريق حلمى
ممدد ع الخشب عدمان
وجايبين الكفن ليا
شوال مشغول باحزانى
مالوش الوان
ومية غسلى كام نقطه
فى قعر ازان
وصوت بيرن فى ودانى
وبيقولى مالكشى مكان
لا تطلع للجبل تانى
ولا تسافر حدا الننى
ولا تحيا بنى ادم
ولا تقددر نعيش جنى
وقلبك موش من الحيتان
غزيره الدمعه فى عيونك
وتبعد منك الشطئان
.......
صرخ فيا الكفن قالى
مالكشى مكان
وبطن الارض لاتضمك
ولا تلمك
ولا تحمل سنين همك
فى اى زمان
صرخ واحد من احلامى
انا يوسف ومش يوسف
انا ايوب ومش ايوب
كتابى صفحته سوده
وخطه بالدموع مكتوب
صرخ فيا صليب تايه
وكان اخر ما كان فيها
سافر بره البلاد واهرب
ولا تسكن ورا الحيطان
ولا تقول الكفن جايلى
بيحضننى وعارف لى مكان
قلوب الكل رافضينك
وحتى الارض مش طايقاك
ولو حتطير بدون جناحات
تطاردك فى السما نجومها
ومالكش مكان