عن الضحكه اللى ساندانى فى عز الخوف من البصه اللى فى عنيها عنيا تشوف لو اشكيلها بتتحول لأصغر بنت من سنى و ترجع تانى استاذه بقلب كبير تعلمنى عن الأصل اللى أنا صورته و لو كل الكلام قولته و لا يكفيكى يا أمى ---------------- ن/ح/ن نحن و ايه الفايده يا حرف النون و نقطه من الطبق طايره حروف الكلمه مش كاملين و جره من القلم نايمه تصحيها سنين و سنين و هى برضه مش سامعه يا مطرود من سطور ساكتين و سابينك تناديلها يا نحن و فرقتها سنين و لا تشديد و لا تنوين ينجيكى من الكسره و لا فتحه على حروفك و لا ضمه تشيل خوفك و مكتوبه بدون لازمه