تعظيم سلام

يسلملي قلبك يابطل
وعينيك كمان
كانت إيديك ف الملحمة
دِرع وأمان
وعينيك بتحرس حلمنا
ننام وتسهر جنبنا
والقلب شايل همِّنا
بكل اهتمام
كنت السفينه لمَّا جه
وقت الطوفان
وبحكمتك ...
وصلتنا لبر الأمان
ورميت شباكك عَ الحيتان
حولت براكين الحمم
برد وسلام
مليون تحية يابطل
ياللي رفعت الراس هرم
خليتنا فوق الناس علم
وبيضربوا بيك المثل
ف الإلتزام
كنت واقف وبكرامة
كان قرارك.. وبصرامة
مستحيل انك تبيع
من هنا ليوم القيامة
مصرنا فوق الجميع
............................
إهداء للجيش المصري البطل تقديرا
لمواقفه الوطنية المشرفة