جيفارا الشعر مات . مات عمي نجم

وقت الألم ساعة الآهات
فيها الوطن ينعي اللي فات
منشور خبر في الأهرامات
بيقول جيفارا الشعر مات !
مات اللي كان صوت الأمل
مات اللي كان يحي الآهات
مات اللي عاش عمره عمل
مات زي جندي في حرب مات
آخر قلم كان حر فينا
أول لسان شتم الطغاة
آخر خبر بكى عنينا
كان جيفارا الشعر مات
مات عمي نجم
يعنى صوت للحق مات
اللي كان يصرخ تعبنا
وقت ممنوع الكلام ؟
اللي كان يحمل تِعابنا
وقت ما نحس بألأم
اللي كان ع الظلم رادع
في القصيدة بالكلام
اللي ما سلم كخاضع
أو قبل هذا السلام
مهما قلت يا عم نجم
أنت أكبر م الكلام
أنت تاريخ م الذكريات
زي التراث والأهرامات
آخر خبر أثر علينا
كان جيفارا الشعر مات