قصيدة ... جدي مات

جدي مات في صومعة
مامتش وسط معمعة
في ماتش كوره بيتلعب
وعشان فريقه يتغلب
تحصل عشانه معركة
كبيرة لرب السما
جدي ما متش ف الطابور
ولا عاش سنين بين القبور
جدي مات فوق سريرة
كان دايما بيراعي ضميرة
جدي ما متش ف الميدان
وسط ناس خضر العيدان
ولا بندقية عسكري
وقلب امه بيتهري
عمره ما يشعر بالأمان
ولا مات وسط الزحام
في شق فوق السطوح
ولانه كان راجل طموح
راح علي الغربه هرب
كاس المرار بايدة شرب
ولما عاد مات ف الطريق
ولا مات وسط الحريق
علشان مش لاقي الدقيق
ولا حتي مات ف معتقل
وامور كتير لا تعتقل
ولا مات مسطول محشش
وسط شلة ما تختشي
ولا مات و هو مرتشي
ولا مات بايد صديق
شاف مراته و حبها
ولا حتي مات بالشقا
و هو مش لاقي اللضه
ولا عاش عمرة ف شرنقه
ولا بفعل فاعل مختفي
ظاهر و النور منطفي
جدي مات موته عاديه
وكأنه كان مش مننا
ولا عاش سنين عمره هنا
جدي مات انما
موته من رب السما