حب ....و ....كفن

ولا حب يملا القلب ويفيض ف الشوارع ....
زى حبك يا وطن
يملا شرايين السكك ...
يروى الرصيف ..
يروى الشجر ....
ينبش تفاصيل الحياه ..
يوصل مدااااااه وقت المحن ...
ولا حب يملا القلب ويفيض ف الشوارع ....
زى حبك يا وطن |لسان نى على قيد الحرية ...لسانى بتنفس أمل ...
لسانى شايف كل شئ ....
بعيون ساكنها رصاص وطاش .
أو حتى جاى معدى شارع ..يسبق الصوت والزمن ...
وعيون بيسكنها الغريب ...ولا حبتوش ...حى وخرطوش ..
آاااااااه يا وطن
سرك فى جملة ميتة ...
ولا تدفنشى ف التراب ...
سرك فى حلم بنحلمه ...
واقف عليه مليون غراب
وقلوب صبايا مفتفتة ...
دايبة ف هواك
ناسية الحبيب اللى اتفتن ...
ناسية الفرح
والشبكة للى يقول ..أنا .....
حب الوطن
ولا حب يملا القلب ويفيض ف الشوارع ...
زى حبك يا وطن
يا وطن ...حبك يشيع الروح فى شريان الحياه ...
حبك لكل الغرقانين ..طوق النجاه
حبك دة فرض ...والحب ليك والمعشقة ...
هى السنن
والحب بعد الموت ...
ما يلبسشى الكفن
ولاحب يملا القلب ويفيض ف الشوارع ...
زى حبك يا وطن