شكة دبوس ... اخر قصيدة اليها

الحزن الخمران في عروقي
والدمع الطافح في عينيه
حاجة عادية
فاوعى خيالك
يسرح بيكي
ويصورلك
ان في قلبى عجينة طرية
تلعبي بيها
لانتي ايزيس
لاجل ما اكفن قلبى في كفك
ولا من ضمن عرايس البحر
المدفونه جوة قصايدي
انتى فى عمري مجرد سطر
تايه حروفة
حبة شاي في قعر مصدي
وانا من عادتى
عمري ما اشرب الشاي بارد
سهمك شارد اترد لصدرك
مفضوح امرك
اصل مشاعرك تشبه قلبك الواح تلج
يا اغبي غبيه
جرحك ليه
شكه دبوس
وانا محبوس ف تابوت مقفول
مدقوقة روحى بالمسامير
لو يألمنى جرحي اكوية
واكبسه ملح
لمى عيونك عنى وروحى
اوعى تفكري ان جروحى ناقصين جرح