واضح – عامية

واضح من كلامك كده
إن الأمانى كلها متهدده
ودموعها نازله للأسف
علي خدها ……….
زمن الشجاعة إنتهى
وأبتدأ زمن الخنوع
اليأس صادر حلمنا
والشمس مشيت من هنا
رافضه التنازل والرجوع
والأمل مقطوع لسانه
والصداره للي خانوا
وبغباءهم للأسف طفوا الشموع
**
واضح من كلامك كده
إن الطوفان قرب قوى
وإن الحكاية ما تحتملشي
الكلام الفهلوي
والحقيقة كلهم بيزوروها
ويلعنوا ميتين أبوها
عشان تموت
ويستمر التبجح والسكوت
شعر عصام سامي ناجي