وصية شهيد

وصية الشهيد حاجات كتير*كان اساسها هو التغيير
كان بيقول لكل الناس *حريتكم هى الاساس
ولو سبته الفاسد يدوم* يبقى انتوا اللى عليكوا اللوم
ولو حد عايز يخدمكوا * مكنش بالمال يكلمكوا
ولو قبلتوا المال فى يوم* هتعيشوا طول عمركم فى هموم
ومش عايز الايام تنسيكوا* دمى اللى سال تحت رجليكوا
وعايزكوا تقولوا لأبنى* وتعرفوه ازاى يبنى
وأمتى يسكت وأمتى يحكى* وقولوا بلاش عليا يبكى
واخر حاجة وصانا بيها*اننا نبنى مصر ونعليها
واخر كلمة قالها الشهيد* اوعو فى يوم تكونوا عبيد