فار تجارب

آسف يا مَالْكة الكون بإيدك
مش هاقدر ابقى من عبيدك
مادد إيديا بشوق تعالى
الحب يقوى بالانكسار مش بالتَّعالى
قلبى أنا مش فار تجَارب
الحب ضعف ف الاشتياق
وانا الضعيف لكن محارب

أنا الزعيم الديكتاتور
ف دْيوَان ورق
وانا البطل أنا الشجاع اللى حرق
أنا اللى فاز بالمعركة رايح وراجع...
والعشق ثوره بتِتْقلب حروب شوارع
لما انت حضنك يبقى غايَة
يبقى لازم تفهمى
إنى بشوف صورتك قصادى ف المرايا
إختارى دلوقتى
يا إما تنسى جو حضنى إنت مين
فنتولد من تانى قصة حب ف كتاب التاريخ
يا إما تبقى زى غيرك من التاريخ