تهمة حب

اتهموني بحبك
قالوا لي أيوة بتحبيه
وامتة الحب كان تهمه
عشان نخاف و نخبيه
يا ريتهم عرفوا يوم قلبك
وعرفوا العشق إيه معانيه
لكانوا يقدروا النعمة
ولا مخلوق يعيش غير بيه
===================
ومين يقدر على قلبه
وقلب العبد مش مِلْكٌه
ده ملك لرب يحكم فيه
وهو مسيره بِمُلْكُه
وقادر يبدأه وينهيه
===============
ولو حبك ده كان تهمة
موافقة حتى بالإعدام
مادام حبلي في طرف إيده
بحبه ويلا شدوا أوام
===============
موافقة تعدموا قلبي
حموت وأنا شايلة حبه فيه
وسايبة وراية قصتنا
كتاب وقعدت أكتب فيه
وكل حروفي في كتابنا
حروف اسمه كده تحليه
عشان في يوم إعدامي
حيبقى ديوان و ليه أهديه
ويمكن قلب من بعدي
يضيف صفحة فتكمل بيه
بألف حكاية ورواية
ديوان الحب راح أسميه
==================
بحبه و أديني بعلنها
ولو مية سد كان بينا
بعون ربي أنا حعديه
ولا قلبي لغيره أديه
عشان راجل و يستاهل
أموت ولا غيره يسكن فيه