مصطفى طلعت يسألك : شاركنى فى بكائى ... ممكن ؟

أضعيف أنا كى تفعل بى كل هذا ؟ بأى رؤية ترانى حقير أم لاشئ ؟ أتنكرنى وتفقدنى ما تبقى لى من بلدى؟ تافه أنا لهذه الدرجه ؟ أنا لست فقيرا ،أتعرف أننى صاحب املاك ؟ لا أقلد صابر فى فيلم أنا عايز حقى _ أنا فعلا غنى _ أمتلك فى قناة السويس ومن حفروها أجدادى ومع ذلك لا أعرف أين تذهب إيراداتها ؟ كل ما أعرفه عنها من الاخبار بأنها حققت أعلى إيراد _ وقبل أن أسأل من بجانبى :أين تذهب هذه الأموال؟ ليطل علينا وزير من وزراءك يطالعنى أنه أنشأ تمثال أو طريق يحمل إسمك بتكلفة تزيد عن إيرادات قناة السويس _ والله كأنكم تشترون المواد من بلاد بره ،تكلفة حائط فى منزلى الفين جنيه _تكلفة الحائط فى مدرسة ترمم 150 ألف جنيه إن لم تكن بالدولار _وحسبى الله ونعم الوكيل _ كيف تعرف أخبارى وأخبار عائلتى؟ أتعرف ماذا نأكل ؟ماذا نشرب ؟ أتعرف أن حنفية المياه تعطينى شاى بارد بدل من الماء ؟ _ أشكرك طبعا _ تعرف إن حكومتك ترغمنى أشترى رغيف الخبز الغالى أبو 25 قرش وتقولك إحنا بنديلو إختيارات وهوه حر _ الحمد لله إن فى حاجه بشوف نفسى فيها حر _ تعرف إن بين بيوتنا فى قريه من القرى مزرعة دواجن لراجل مهم فى الدوله تمثل قنبله نوويه من الروايح الكريهه وشكونا منها ولم تهتم حكومتك بشكوانا _ تعرف إن أنا خارج مصر ومش عايز أرجع مصر طول مانت فيها _ تعرف إن إنت أول واحد هتسيب مصر إذا أصابها مكروه وده تاريخكم الفاضح _ تحكمونا قصدنى تكلونا ولما ما تلاقوش لحم طرى تاكلوه تهاجرو خارج مصر _ تعرف إن أنا أول ما يحن لمصر ويبكى عليها ؟ بالله عليك بكيت مثلى يوم عبارة السلام ؟ يوم قطار الصعيد ؟ يوم انتفاضة المسيحيين؟يوم تزوير الانتخابات؟يوم موت أخى بسبب إهمال المستشفيات؟ بكيت على أى خبر مش كويس ؟ بكيت على غزه والقدس ؟ بتبكى لما بتسمع قران ربنا؟ بتبكى لما تسمع حاجه تذكرك بالاخره؟ تعرف إن فيه اخره ولا انت ما تعرفش ؟ تعرف إن انت مسئول عنى ؟ هتقول البلد كبيره وأنا إزاى هعرف أخبارهم ؟ هقولك سيب الحكم طالما انت مش قادر _ هقولك أتباعك تخطو عدد المصريين بالداخل والخارج_ أنا مش عايز قوانين تتغطى بالاختام والتوقيعات المزيفه القديمه التى عفا عليها الزمان، أنا مش عايز طرق تمهد لى عشان أهاجر وأسافر وأتغرب _ولا عايز برلمان يخدم نفسه ومكان كويس للنوم والموافقه والتصفيق والشراب البارد والنفاق ، مش عايز إعفاءات لأصحاب رؤس الاموال ، تعرف أنا عايز إيه ؟ أنا طال الاستقرار وبس _ تعرف يعنى إيه إستقرار ؟ لما تروح البيت من الشغل ويجرى عليك إبنك وتاخدو فى حضنك ، وزوجتك تبتسم فى وجهك وتسألك أخبارك إيه النهارده وتحضرلك الغدا وتحكى معاك وتخرج تزور خالتك وعمتك ووالدك ووالدتك واخواتك واصحابك وتشوف حاجه مفيده فى التليفزيون ، وتتصفح كتاب من كتبك المفضله ، وتلاعب ابنك لغاية ما ينام وتمارس حياتك المعتاده مع زوجتك _وتصحى الصبح تصلى وتروح شغلك وانت مليان بالامان ومنزوع منك الخوف ، تعرف الامان والاستقرار ، تعرف تخلينى أحب مصر وأحبك ، تقدر أديك صوتى وعيونى لو حبيت وتخلينى أعيش ، أنا مش طالب أكون وكيل نيابه ولا ظابط شرطه ولا وزير ولا محافظ _ أنا متنازل عن كل ده بس عايز أكون مواطن وبس _ ياريتك تعرف قبل ماتموت_أنا خايف على مصر _ والله ما بقدر أحكم دموعى عليها _ أحس إن مفيش حد عارف هوه عايز إيه ؟ كلو بياكل فى بعضو على السلطه _ واحنا جوه الخلاط _ الخلاط بتاع محمد سعد _ مستنيين رحمة حاتم أمين الشرطه _ عايشين فى الفوضى _ بنتعلم كتير وشهاداتنا تسد النهر بدل السد العالى ، بس الجهل عرف وعاده ، ياريت تاكلو فى بعض بعيد عن مصالحنا ، إسألنى أنا قبل ما تتصرف فى أملاكى _ ممكن ولا ده صعب عليك ؟ بلاش تاخد رأى أعضاء البرلمان المزورين _ الناس دى والله ما يعرفو عنا حاجه ، والله ما بشوفهم الا من بعيد ، الناس دى فى وادى واحنا فى وادى _ممكن تخلينى أحكم نفسى؟ ممكن تشاركنى البكاء على مصر حبيبتى؟
كلمة أخيره / كتبت هذا المقال فى طائرة الساعه العاشره صباحا المتجهه من جده للرياض وكان قدامى كابينة الكابتن وواحد سعودى بس ماخدتش منهم كلام ولا نقلت كلام ده منى انا واحساسى انا ؟ وللعلم انا حزين انى اتنقلت من المدينه المنوره للرياض واتنمى لشباب مصر السلامه من كل سوء . وعادل درويش ده استاذى واحب ااقول لمن يقرأ وغيور ممكن لو ذهب للسوبر ماركت يشترى حاجه يقولو ممكن تدينى بيضه لونها اسود .