وجهة نظر

أوفارتير
من غير ديكور
وازاى خيالي يرسمه
أول هوى
وأنا عمري ما عشت الأبد
ميت ألف كون لسه فخيالنا ماتوجد
مسرح عظيم
وقلوب حجر
والفكرة بتصارع بشر
كينونة العشق الجسد
الفصل الأول
كان في ديكور
حبة وشوش متعلقة مرسومة زيف
والنص برواز م الخداع
والناس بتتهجي غلط
الحب...معناه الجسد
رافض أكون سطرين وبس
الدور بروحي هكتبه
وانقش ملامح خطوتي
جوه العنين
مألوف خروجي ع النصوص
لجل أما أفتش فالعيون
مين اللي قادر غير مصيره اللي انكتب
يكتب مصير
نفس الديكور
والناس بتتهجى غلط
كنتى الهوى متجسدة فأصغر جسد
أصعب ما في العشق الحقيقة
وأسهل ثواني النص
لحظة لقا
الفصل التانى
علشان روحين عشقوا الهوى لجل الهوى من غير غرض
خنقت ليالينا النكد
كنا بنفرح بالعيون
حتى الحسد
روحك تنسم ع القلوب تطرح غنا
بس الجسد
سلّم مفاتيحه زمان
أصعب ما في العشق الحقيقة
وأصعب ثواني النص
لحظة هوان
الفصل التالت
كان في ديكور
مسرح عظيم من وفاة الحب
فالقلب الجسور
والحب عاشق للخلود
الحب..راقد فالتابوت
دورك ودوري انتهوا
والنص لازم أنطقه
من غير إضافة جملتك
فينال
من غير ديكور
أرواح بتتهجي الخطا
والحب بيودع قلوب
عاشت على حلم اللقا
رغم السعادة فالعيون
والعرض أجمل ما يكون
كانت نهاية مرعبة