لحظة تأمل

جات لحظة وقعدت أفكر
لو مت إيه يعني ها يحصل
الكون ها يمشي والساعة
والميه مش راح تتعكر
الكل ها يمصمص في شفايفة
ويقولوا كان راجل طيب
ومراتي تعمل زعلانة
وعيالي تقعد تتنطط
وزمايلي في الشعر ها ينسوني
وشوية يمكن ينعوني
الخيبة بقي في اللي جابوني
هادخل في قبري وأنا عريان
مافضلش غير عملي معايا
ولا وسطي ولا أي مزايا
غير إني كنت بحب الناس
وهمه كانوا بيحبوني
ييجوا الملايكة يحاسبوني
بعد الأحبة ما تركوني
لو خير هجاوب وأنا فرحان
ولو ...
لو إيه........ مش ها قدر أكمل
وصحيت لقتني وأنا خايف
وكأني فعلاً مت بجد
بصيت لروحي وقلتلها
الفرصة لسة قدامك
عشان أتوب وأنا في الدنيا
وأختم حياتي وأنا عشمان
من أجل لحظة مجربها
لسة في خيالي وأنا سرحان
...