يا كروش الظلم

يا ساسة الوطن
شو اعملتوا فينا
ليش هيك تركتونا
جالسين نموت ببطيء
حرق وانتحار و قتل
قبيلة وراية وحكم
صراخ وجوع وفقر
هو مين السبب
عقلنا والا المحتل
صارحونا مرة صدق
قولوا للناس كلمة
يمكن فيكم ترجع تثق
حريتنا غالية علينا
معكم بنصبر وبنقضيها
مي وملح وزعتر ودقة
بس نعرف حالنا لوين
راحلين مع هبوب الريح
فاكرين حالكم بزمن مين
عنترة والسيف والخيل
خيلتونا بشعارات الزيف
اوصلتونا ورجعتونا حق
مش لفلسطين ولا للقدس
ارجعنا نحلم في الكهرب
وننتظر دورنا في المي
ودمنا كل ليلة بترحل
وشعبنا بيفكر وبيناجي
بين الجدران حيران وبيرسم
خارطة حلم نسيها مين كذب
وغير مفاهيم ثورتنا الصدق
صرنا نبكي وحدنا مثل النساء
لا عارفين نتمرد ولا قادرين
نقول بيوم والله الظلم حرام
ما سمعتوه من قبل ولا قرأتوه
خلوا الشعب يخرج يعبر مرة
يسمعكم صوت الطناجر والغضب
كيف ما كنا نواجه عدونا
بحجر وصدور عارية حققنا نصر
رجعنا قضيتنا وصنا بوصلتنا
هي وين راحت ومع مين بالظبط
لا حد بزيط ولا حد بربط
كله بصرح وبعلن وبتخبط
واحنا ناطرين الفتات يتقدم
بصحن عدس ولا بصحصن فول جاف
وطق البيض فرح العيلة والجماهير
بالبلدي بنحكي وبدنا نرسل من جديد
بكفي وبكفي وبكفي وبكفي وبكفي وبكفي
انظروا للاجيال وعلموها كيف تعشق فلسطين
مش مجرد راتب ونقطة ولعبتنا صارت بلالين
واتحركش في الفقراء والغلابة والمساكين
قطع المنحة والمساعدة وكلنا منتظرين
فرج وامل وهيك بطيخة خضرا بدها سكين
بس يطلع طعمها حلو مثل قادتنا السياسين
ونتفرغ ونعود للمواجهة باسم العاشقين
صدقوني غير تحرر بيوم كل أرض فلسطين
بس العيب فينا احنا لأنا غير موحدين
اتعبنا من الكلام والكتابة وهم نايمين
تحت المكيف والاضواء وشو عليهم المبسوطين
معك بتعيش وما معك موت وحدك وخليك الحزين
شو بتفرق معهم وانتم مولودين في مخيم لاجئين
مين ظل فيه ومين تركه وهاجر للقصر اللعين
مركز وجزيرة واعلام وطائرة موساد بتجلب الملايين
حيرتونا وشغلتوا بالنا في تركيبة المعادلة للخيبانين
ولا يمكن ان تكون حدثت في أي ثورة سابقة
لكنها هنا ولا عجب في بلاد العرب والأدب
ستار وميكرفون وعصا جلاد واياك تتنفس يا كرم الوطن
حاضر وهيني جالس على الفرشة وبتطلع في القمر والنجوم
رومانسي ومجنون وبواجه كل الغيوم من غير ما انام يوم
بدكم بعد هيك اعتراف في عالم الفنون والحرية للانسان دوم
ما انتم خلتوها خل وخيار وصارت ريحتنا أقوى من ريحة التوم
قاربت البطارية على الانتهاء والنفاذ وتستمر فينا وعبرنا الأحلام
بقلم كرم الشبطي