يعنى ايه ؟؟

من بعد الثورة المصريه
وحياتنا اتغيرت
باه فيها شويه حريه
والناس اتكحورت
ناس بتقول وهى مش عارفه
ناس بتكدب وهى عارفه
ناس شايفه وعامله مش شايفه
ناس هايفه
محدش عارف رايحين على فين
والايام اللى جايه واخدة مصر لفين
عايزك تفهم ياسعادة البيه
كل كلمه طالعه منك طالعه ليه
ولو مش فاهم
يباه تسال يعنى ايه ؟؟
يعنى ايه الشعب يثور ؟؟
يعنى الشعب مش عاجبه حال الدستور
يعنى ايه دستور ؟؟
يعنى مبادىء وقوانين
فى بلدنا ديا
بتحكم البنى ادمين
والناس اللى مش هيا
والحياه الثقافيه والعلميه
والسياسيه
يعنى كل حاجه عالاراضى المصريه
فهمت ؟ ول لسه مصديه
يعنى ايه ديموقراطيه ؟؟
معناها حلو الكلمه ديا
معناها سيادة شعبيه
يعنى الشعب يختار وليه والاولويه
مش معامله حمار
بيجر فى عربيه
بيعمل وخلاص
ومن السكوت لسانه مات
ديموقراطيه بيتقولك انسى اللى فات
هتساهم ياصاحبى فى وضع التشريعات
ولو قولت كلمه حق ؟
مش هتحس انك عامل عمله
ومحدش هيجى ياخدك
من مباحث امن الدوله
حتى فى انتخاباتك
هتختار بحريه كامله
من الاخر ديموقراطيه يعنى حياه شامله
انت بتحكم بالمساواة وبالحريه
بس مفيش حريه بجد
حتى فى اعظم دول الارض ؟؟؟؟
عرف يابيه
فهمت ديموقراطيه يعنى ايه ؟؟
يعنى ايه دوله مدنيه ؟؟
يعنى الفرد والمواطنه
والناس اللى عايشه والناس اللى ساكنه
يعنى دوله بتربى وتصون
دوله محدش فيها فوق القانون
دوله بجد مش كارتون
الشعب فيها ان وقع
حكومته تاخد باديه
متسالوش
انت مسلم ول مسيحى ليه ؟؟
انت ابيض ول اسود ليه ؟؟
انت بتفكر ازاى وكدة ليه ؟؟
فهمت مدنيه يعنى ايه ؟؟
يعنى ايه ديكتاتور ؟
انت عارفه كويس
كان عندنا واحد زيه
كان دايما مهيس
ياخراشى على تقل دمه
ازاى دة كان ريس ؟؟
ديكتاتوريه يعنى حسنى فى مصر
والقذافى فى ليبيا
وبشار فى سوريا
كانوا عالم ساذجه
وفاكرينها تكيه
ديكتاتوريه يعنى ولادة حراميه
مش عايزينها اللعنه ديا
يعنى ايه حكومه ائتلافيه ؟؟
يعنى وزراء معاهم الجنسيه المصريه
اعضاء فى احزاب سياسيه
متفقسن على هدف واحد
مش فاكرينها تسقيه
بيحبوا مصر جدا
عايزينها ميه ميه
بلدنا ليها لازمه
هيحلوا مع بعض الازمه
واللى يقول علينا متخلفين
هيحطوا فى بؤة جزمه
مش مصالح حزبيه
ولاجماعه سياسيه
دول رجاله بجد
دول صفوة مصريه
يعنى ايه جمعيه تاسيسيه ؟؟
يعنى انا وانت وهى
نختار ممثلين
مش شله حراميه
مع بعض ايد فى ايد
عايزين دستور جديد
يرجع اللى فات
ويفوت من الحديد
يحق الامانى
ويصون دم الشهيد
ياله نهتف حريه
يعنى ايه تكنوقراطيه ؟؟
يعنى حكومه تكنولوجيه
ناس تعبت سنين
علشان يبقوا علماء تقنيين
عايزين الخير لمصر
بالعلم والتعليم
والله مصر جايه
واحنا كمان جايين
واسالوا يوم الحريه
اسالوا خمسه وعشرين
اسالوا يوم الوطنيه
يعنى ايه ليبراليه ؟؟
يعنى سياسه تحرريه
من قيود تعسفيه
قيود اقتصاديه
قيود سياسيه
قيود ثقافيه
عايزين نتحرر منها
بس بروحنا الشرقيه
احنا عايزين نتغير
مش عايزين نتحرر
مش عايزين نتامرك
مش عيزين نتهور
عايزين حريه فكر
عايزين كرامتنا الضايعه
لو عايز تتطبقها
طبقها بس بصنعه
يعنى ايه علمانيه ؟؟
يعنى الدين لله
والوطن للجميع
لاء الدين دينا والوطن بتاعنا
والخير هيجمعنا
يامصرى فوء باه
ايامك جايه جايه
والحب لو باديا
كنت شيلت كل همومك
ورميتها ياعم عليا
بس انت حب بس
وقول مصر فى عنيا