عام جديد سعيد 2019

يا حبيبى يا اهلى يا كل المصريين
يالا يا حبايب قلبى يا حلوين
نزيد سنة على عمرنا من السنيين
بلاش نحزن على ايام رايحيين
احنا ح نفرح لايام جايين
سنة عدت زى ما عدت قبلها سنيين
لكن السنة اللى جاية ايام حلوه جايين
يا رب تفرح كل الحزنانين
و تبعد عننا كل الحاسدين
و تقرب مننا الناس الطيبيين
وتحفظ كل المصريين
يا رب نعيش فى امان
وتبقى قلوبنا على بعض زى زمان
يا رب يبقى كل الناس حبايب
و يبقى الحب ما بينا دايب
يا رب تقبل دعوة كل تايب
وتقرب كل حبيب غايب
وكل سنة و انتم طيبين
يا حبيبى يا اهلى يا كل المصريين
---
كلمات نبيل زيدان
كاتب وباحث وشاعر مصري