قولى أمي

مصر يابلدى الندية
عرفيهم بالهوية
قولى ساكنة ومدارية
عن عيون أجنبية
نفسها تبلغ حدودي
قولى صلبة فى عز خوفي
قولى أولادى بحضنى
لجلهم تظهر سيوفي
قولى انا امن وأمان
قولى وأسألوا الميدان
كم شهيد وبالبيان
نطقوا جوايا الشهادة
قمت وانا لابسه سواد
ردي كان بقهوة سادة
أصلى أنا سايبة القضية
فى ايدين البلطجية
يقتلو الحلم البريء
يرسمو بالدم صورتى
يكتبو ع الرمل اسمي
يمحو ادامي الطريق
يهدموا التاريخ بإيدي
قولى دا انا لسه بحبك
نبضك جوا فى وريدي
قولى يأامي الحقيقة
عرفيهم بالحنان
اللى كان بقلبك زمان
حتى دمي ---أه ياامي
كل شيء جواكي هان
وانا لسه دايبة فى هواكي
عاشقة فى ترابك خطاكي
طايرة حايرة فى سماكي
لسه حافظة نشيد هلاكى
بلادي وفؤادي لكِ حبي
ويوصل السهم مداكي
قولى ------أمي