حبك يامصر ساكن فى فؤادى

حبك يامصر ساكن فى فؤادى
مصر ياأم الدنيا
شبابك عنده الهمه
هتسأ لينى عن أسمى
انا اسمى المصرى
انا اللى مشيت
فى شوارعك وحواريك
وكل دروبك
انا حدوته مصريه
ياسين وبهيه
انا المصرى
رويت من النيل غيطانك
وزرعت وردك وريحانك
ماهو انا المصرى
عاشق ترابك وارضك
حامل سلاحى واقف للعدوك
بدافع عن حدودك
وشايل على اكتافى همك
لسه هتسالينى عن اسمى
انا اسمى المصرى
وانت عندى احلى صبيه
ونظرة عيونك هى القضيه
انا اللى علشانك هبيع روحى
وعلشانك هتحمل جروحى
لما اسمع كلمة وطن قلبى يرفرف
والكل باسمك يهتف
انا جااى يابلادى
وحامل سلاحى
علشانك ياوطن كتبت كل الكلام
علشانك ياوطن خفت
يسرقو الاحلام
وعلشانك تحملت الآلم
ووقفت فى الميدان
وهتفت تحيا مصر
يحيا كل الاحرار
انا المصرى محرر الاوطان
انا قاهر الهكسوس والتتار
انا عارف الزاى اختار
انا عاشقك يامصر
وهرفع علمك فى كل مكان
وهغنى بلادى بلادى
حبك ساكن فى فؤادى
كلمان من أبنك المصرى ....................................... علاء عبدالحق المصرى