نصيبي و قسمتي

يضيع حبنا و تتوه سكتي و الوجع في قلبنا
و الدنيا تبعدنا لبعيد حبيبتي و إيه تاني يجمعنا بعد حبنا
و الصعب اللي كان يحلانا يجي بكره يشغل الهم بالنا
آه من الفراق حبيبتي و أحنا من بعض دايما قريبين
و آه من وجع قلبي قسمتي و بيشدني ليكي الحنين
و الدمع بيصرخ مكتوم جوا العين و اشكي وجعي لمين
و أحنا من بعض حبيبتي محرومين و أروح من حبنا فين
و الكلام مكتوم في قلبي سجين و الخوف تضيع مني يا حب السنين
و الفقر سور عالي ما بينا أمتي أخطيه و يا تري حبنا ألقيه
و قلبي اللي حبك هتنسيه و كاتم حبك مش قادر يبوح بيه
آه يا سر عجز فقري و خوفي و الكسوف هيضيع مني حبي
و دمع العين يا زماني تعال شوف و الدمعة بتوجع قلبي
و آه من صراع القلب و العقل
القلب يصرخ يقول حبنا ممكن و العقل يقول لا مستحيل
و دموع العين بحر حزين و آه يا حبيبتي من طول سواد الليل
و العقل حيران في التفكير و القلب يبكي بدموع العين حزين
و قلبي في صدري يأن و هيضيع من عمري أجمل سنين
و كلمة مكتومة في قلبي بقالها سنين "بحبك" حبيبتي بكل يقين
و أنا و أنتي من الزمان خايفين و حبنا يضيع في ليل حزين
و الحب حبيبتي صبح سلعة لبيع بمال كتير و أنا فقير حزين
و الحب ليا مستحيل و في وجع قلبي أبات و النوم ما يعرف العين
و آه يا حب السنين ياللي ضعت مني في غمضة عين
أروح من وجع قلبي فين و صورتك مرسومة جوا العين
و القلب ما يقدر يوم ينساكي و أعيش دايما علي ذكراكي
الله يسامح الزمن اللي يفرق بين الحبايب و قلبي سبته معاكي
و حبيت يا قلبي لكن مش في ميعادنا و زاد الوجع و عذابنا
و ضاع حبنا بعد ما فتحت لحب بابنا و استطر بالدمع كتابنا
و ارجع و أقول قسمة و نصيب ليها أنا حبيت
و أعشق من نظرة عين منها و لا يوم ليها أنا نسيت
و لا يوم اقدر انسي و أنا لرؤيتها عايش و هويت
قسمتي و النصيب أن أنا حبيت.