بفكر فيك

لسه بفكر فيك
وفى كل وقت اديتو ليك
وفى حلم كنت بعيشو فيك
وفى قلبى اللى كان بيدق ليك
وفى حنان كان ملك ليك
وفى سعاده بجرحى كنت اخلقها ليك
وفى بسمه كنت اشوفها بيك
وفى دموع كانت بتبكى كتير عليك
والفراق يا حبيبى مكنش بايدى كان بايديك
ولسه بفكر فيك
كنت اخاف لما الدموع تيجى لعنيك
كنت ابكى وبحياتى افديك
كان كل همى تكون حبيبى
واعمل اى شئ عشان ارضيك
ولسه بفكر فيك
وبسئالك الفراق كان صعب عليك
ولقيت حبيب اداك حنان
أد اللى اديتو ليك
يا ترى بيسهر تملى ويحس بيك
ولو دمعه نزلت هيمسحها ليك
يا ترى هيصون كرامتك
ولا يجى يوم يجرح فيك
انا بسئالك وياريت تجاوب
ولا ده صعب عليك
ولسه بفكر فيك
بيجى سعات نفسى اتصل أطمن عليك
وأبقى خايف لتصدنى والكره يكبر جوايا ليك
واقول لنفسى يا قلبى انسى حرام عليك
لو حس بيك كان تملى يسئال عليك
كان اقلو يبعت سلام من قلبو ليك
أنساه يا قلبى ده صعب حتى يحن ليك
صعب تانى وانت بتبكى يطبطب عليك
صعب ايدو تلاقى ايدك وتحس بيك
عاوز تفكر فكر يا قلبى
بس ده كتير عليك