مسلم..ومسيحى

أحمد مسلم........بشري مسيحي
أصحاب .....بالرسم التوضيحي
علي صفحتنا الكل حبايب
ونموت في اللحظه التفاريحي
هو بيدعيلي ف قداسه..
وأنا ..بدعيله ف تسابيحي
لو قال آه ح نقوله سلامتك
وف حزني..بيداوي جروحي
ده أحنا خيوط ف نسيج أمتنا
لو تهنا ح تبكي وتنوحي
يا بلادنا ..يا عزيزه علينا
علي فين من غيرنا ..ح تروحي
علشان تنهض مصر بلدنا
راح أضم طموحك ..لطموحي
وح أحط صليبك ف هلالي
وبقلبي... أفديك وبروحي
ده السر ف وحدتنا يا بلدي
عمرك بالسر ما ح تبوحي
أنا آسف..طولت عليكم
وسامحني علي كل وضوحي
د.هاني بخاري
استشارى جراحة عامة
شاعر أطباء الإسكندرية