مش عيبة تحكمنا البنادق ماحنا جربنا الخنادق اللى وعدوا مايحكمونا بس وعد مكنش صادق حكمونا يا ناس بكذبه فكروكى يا مصر عزبه مرة واحدة اتحولوا جوه حياتنا اتوغلوا ف كل بيت و ف كل حارة فى الرئاسة وفى الوزارة حسبوها ألف حسبه لكل واحد عملوا نسبه قالوا هيه دى الشطارة شغلوا بالهم بالعشيرة للوطن مجتش سيرة دخلونا فى ألف حيرة فين وعودكم الكتيرة اللى كانت ف انتظارنا فجأة راحت الوعود واتبنت بينا السدود ضيعونا عام بحالو تاه وطنا ع الحدود والاله عالم بحالو ولما نسأل أيه جرا؟ بترجعونا ليه ورا ؟ ختوا ليه منا الوطن؟ منلقيش منهم ردود يشتمونا يسفهونا يلعنوا فى جدود أبونا لما قلنالهم سيبونا حلفوا فى الدم يسبونا جالهم العالم يحايل رفعوا الصوابع ناقصة صابع