المدارس التجريبية

الهجوم باللغة اقوي كتير من الهجوم بالسلاح...و ده كان اسلوب الاستعمار في التأثير على الشعب المصري اثناء الاحتلال.... كانت سياستهم انهم يعملو حاجه الشعب مش محتاجها و يخلولها تمن و نجحوا في ده...واحد من الانجليز اقترح انهم يعملو مدارس يكون اللغه الاولي فيها الانجليزيه و اللغه التانيه الفرنسي و يتدرس المواد الخاصه بالبلد بس بالعربيه و تمت الفكرة و نجحوا...نجحوا في انهم يخلو الطالب ميقدرش يتكلم في علم زي الفيزياء بلغته...في ان يخلو الطالب يحسب اي معادلة عربيه بصعوبه...في ان يخلو الطالب ميعرفش حاجه عن جسم الانسان الا بالانجليزية.... في ان الطلاب الي في مدارس حكومية يستحقروا نفسهم رغم انهم هم الي بيتعلموا صح...و هي دي المدارس التجريبية
منظرنا ايه لو طلع عالم من المدارس دي في الكيمياء مثلا زي الدكتور زويل و وقف يتكلم ادام الشعب... هيبقا مش عارف يقول كلمة عربي و الحكومات الاجنبيه هتتفرج عليه و تضحك انهم خلو عالم تعبت في تعليمه الحكومة المصرية و في الاخر بيتكلم بلغه الانجليزي... يعني لو محدش يعرف اسمه هيقول انه امريكي او بريطاني من غير ما بريطانيا او امريكا تساهم في اي حاجه في تكوينه
فكره غير مفيده بالمرة و بتأذي اللغه العربيه من كل اتجاه و احنا الي بنساعد في كده...حافظوا علي لغه اعزكم الله بها و شرفكوا بيها.. دي لغه اشرف و اطهر كتاب انزل و هو القرآن الكريم..
لابد من اعاده تقويم للمدارس الحكوميه و تنظيفها و تفضيلها علي التجريبية و توعية المجتمع بالي بيحصل من المدارس دي