إنهم يغتالون الوطن و أبناؤه

أسفين يا مصر فعلاً أعتقد إن كل مصري حر لازم يقول مصر ( أسف ) أسف يا بلدي إني تركت الظلم فوق أرضك 30 سنة , أسف يا مصر إني ما قدرتش أعمل إلى كان نفسي أعمله , أسف يا بلدي ماقدرتش أمنع فيكي الظلم و أنا شايفه , أسف يا بلدي لجموا لساني و قيدوني , أسف يا بلدي لما جيت أقول لأ ...لما جيت أقول فيكي يا مصر كلمة حق كانوا بيهددوني يا يشتموني يا يشوهوني و ممكن جداً بدون جريمة و بدون ذنب و من غير تحقيق يا مصر فيكي يحاكموني و يحبسوني , أسف يا مصر كان نفسي كان نفسي رمسيس ما يتحركش من الميدان , أسف يا مصر يا غالية على غضب الزمان , أسف يا مصر و الف أسف .. أسف و شايف فيكي المصري في التحرير و هو بيموت يا مصر بيتقتل بإيد أخوه المصري يا مصر في الميدان .... أسف يا مصر و باسأل الرحمن ينزل على أرضك يا بلدي السلام , أسف يا مصر يا مظلومة يا طيبة يالي شعبك بالفتن أكل كنافة و شبع من الغريبه , أسف يا مصر يالي إتهانتي بس الذنب يابلدي مش ذنبي و كمان مش ذنبك إنتي , الذنب يا مصر ذنبهم إلي الخيانة في دمهم , ذنب العملاء و ذنب الخونة , أسف يابلدي مش قادر اقل لك ذنب مين و لا مين و لا مين ماهو إنتي يا بلدي إلي فيكي جواسيس و بصاصين , ذنب مين يا مصر قولي إتكلمي يا بلد و إحكي ... إحكي للولد علشان يحكي لولده يا مصر وولده هايحكي لولده الحكاية حكاية مصر و ثورة المزعومة أسف يا مصر دي مؤامرة و قالولنا ثورة أسف يابلدي خدعونا قالولنا ثورة ثرنا ثرنا ثرنا و ثرنا و لسه ثايرين يا بلد فيكي ثرنا ضد الظلم يا مصر ثرنا ضد البرجوازية يا مصر ثرنا ضد العنصرية و المحسوبية ثرنا ثرنا يا مصر ضد محكمة لم يحكم فيها القاضي بالعدل أسف يا مصر ثرنا ضد الفاشية ضد الفساد و ضد التخريب و السرقة و المخدرات و البلطجة و لسه ثايرين ثايرين يا بلدي ضدهم و بالبلدي يا بلدي بنكتب لهم و بنقول لهم يالي طلعتم على أكتافنا إحنا الثور و لسه عايزين تطلعوا .. قولوا لمصر أسفين يا مصر و النبي و بحق المسيح ( مش أسفين يا ريس) قول لمصر يا مصري أسف ايوه اسف لكن مؤدب سمعت الأكبر مني و الأكبر مني يا بلدي غشاني و عشني سرق شقايا و كفاحي و ثورتي أسف يا مصر بيغتالوكي بيغتصبوكي مصريين ياناس ذينا أيوه مصريين لكن مش مننا و لا من دمنا هما عارفين نفسهم يا بلدنا و إنتي عارفاهم و البقاء لله و سعيكم مشكور