الشمس ظهرت وقالت - زجل

الشمس ظهرت بعد غياب وقالت خليكم صاحيين
لاتسيبوا أبدآ بلدكم .........لتجار الدين الشياطين
حيقسموها ويبيعوها .......ويسبوا أهلها مشردين
جالكم زعيم ....رجع بلدكم بعد ما كنتم محتارين
وشاور لكم ....على اللى فى الاصل منكم خاينين
عبيد الدولار ...عملاء الخيانة لقطر والأمريكيين
============
خلوا بالكم من بلادكم .....خليكم عليها سهرانين
مرة تانى لو خطفوها ..........وأنتم تانى غافلين
مش هيسامحكم التاريخ ....وتعيشوا العمر تايهين
امشوا ورا زعيمكم .........دا هدية رب العالمين
راح يبنى تانى بلادكم ...وبكره هتكونوا فرحانين
ونقول تحيا مصر ...تحيا مصر مصر للمصريين
حفظ الله السيسى لمصر ...وخلاه من المنصورين