فكر قليلا ثم جاوب.. محتاج دعم فى ايه ؟

كلنا بنسمع عن كلمة الدعم، مرة يقولوا الحكومة هتلغيه ومرة تانية يقولوا انه هيكون فيه تقنين للدعم، وفى ناس واقفة فى صف الدعم وناس تانية مش موافقة عليه، لكن فيه سؤال مهم .. هو الشباب محتاج دعم فى إيه؟
يقول أحمد ناجي- 23 سنة بكالوريوس سياحة وفنادق-: في كل الأشياء التي تباع بفلوس، مثل النت
عبد الله محمد- 23 سنة الأكاديمية المصرية لعلوم الطيران-: أنا محتاج دعم فى أفكارى، فأنا كان لدي مشروع واختراع ماتور عربية بسعة أسرع وإمكانيات أعلي، ولكن هذا المشروع وقف بسبب أني لم أجد من يدعمني فيه، وهذا الإختراع تم تنفيذه مؤخرا في اليابان.
وقال عبد الله معوض-23 سنة- أنا كان لدي اختراع قمر اصطناعي، وماتور طيارة معدل ويوضع في دبابة فتكون أسرع، ولكن قالوا لي روح ألعب بعيد مفيش دعم.
ويقول رامي إبراهيم- 23 سنة-: كان لدي اختراع طيارة بالطاقة الشمسية، وعندما عرضتها على الأكاديمية قالوا لي (روح ذاكر يا بابا)، فنحن في حاجة لدعم أفكار.

ويقول ماجد فتحي- 25 سنة بكالوريوس خدمة إجتماعية-: أنا محتاج دعم أعمل مشروع، لأن شعار توفير فرص عمل أصبح قديما وغير مجدي.
عايز دعم في كل حاجة هذا ما قاله ياسر عبد الكريم- 32 سنة كلية تربية فنية- مضيفا: أنا محتاج دعم في مصاريف الدراسة وكمان في السكن.

ويقول ياسر علي- 24 سنة كلية تجارة-: محتاج دعم في الإنترنت وأسعاره وكمان محتاج دعم لأتزوج.
شغلوني يا جدعان هذا ما يريده أسامه حلمي- 26 سنة بكالوريوس تجارة- مؤكدا أن هذا هو الدعم الوحيد الذي أريده من البلد.
ودلوقتى حضرتك ممكن تشارك برأيك وتبعت وتقول لنا إنت كمان محتاج دعم في إيه ؟