نصيحة خبيرة تجميل : إختاري ما يناسب شخصيتك .. و لا تجري وراء الموضة

علشان تكون أجمل واحده سألنا خبيرة التجميل رندا مطر إزاي ممكن تكوني متألقة و كانت إجاباتها
الأول لازم تعملى ماسكات تناسب وشك قبل يوم ال Event بفتره سواء بالماسكات الطبيعية اللى بتناسب نوع بشرتك أو الماسكات اللى ممكن تشتريها من الشركات المختلفة .. وده علشان تتخلصي من الحبوب لو كانت موجوده .ويفضل أنك تستمرى فى عمل الماسكات عموما علشان تحافظى على نضارة وجمال بشرتك فى أى وقت .
ممكن تعمل ماسكات العسل والزبادى القابضة للمسام وممكن تعمل ماسكات ال Oil Free
أهم حاجه إن المكيب يكون لايق على شخصيتك يعني لو انتى Simple ممكن تكتفي ب Eye Liner و روج فاتح أو Gloss لكن لو عندك جرأه فى استخدام الالوان فا ممكن تستخدمي الروج الاحمر وماتقلقيش من الEye Liner لان موضته رجعت تانى بس يكون بخط رفيع جداً أقرب إلى خط الرموش .
لو فيه مشاكل فى البشره ممكن تداريها قبل ما تحطي كريم الاساس بمادة أثقل من ال Foundation و تشبة الكونسيلر المادة دى بتغطى أثار الحبوب وبتملى الفراغات اللى مكن تكون موجوده فى الوش .
فى حالة إذا كانت بشرتك دهنية فا بنفرد عليها Oil Control ده بيقفل المسام ويمنع خروج الدهون وبعدين تحطي كريم الاساس وبعديه Powder Matt وبكده هاتضمنى أن ال Foundation هايفضل على وشك أطول فترة ممكنه .

لو كانت بشرتك جافه وبتميل للتقشير فا ممكن تحطى كريم ترطيب عليها قبل كريم الاساس على شرط أنك تبعدي عن أى حاجه Oily لانها بعد فتره ممكن تتسبب فى لمعان بشرتك بشكل غير مقبول .
ولو كانت بشرتك عادية فا هاتتعملى معاها بشكل عادى جدا طالما مش محتاجه لمعالجه .
علشان تختاري كريم الاساس المناسب ليكي لو كانت بشرتك دهنيه فا ابعدى عن أى كريم أساس بيحتوي على زيوت ولو بشرتك جافه فا هاتبعدى عن البانكيك.

لمكياج الحواجب بتختلف الانواع بيبقى فى مواد بودره أو قلم أو سائله لكن يفضل استخدام السائل لانه سيعطى كثافه للحواجب خاصة أن الحواجب العريضة هى موضة السنة دى و هايخلى الحاجب يشبه التاتو دا بالاضافه أنه بيستمر لمده أطول مع العرق و الغسيل لن يتم إزالته بسهوله .
بالنسبة للرموش فا الماسكرا السودا والبنى هى الاساس وبيفضل الابتعاد عن الماسكرا الالوان لانها مش موضه و بيفضلها ال Teenager وفى حاجه جديده دلوقتى اسمها ال Eye Las Extension ودى عباره عن رموش بيتم تركيبها على رموشك بتقعد من 60 ل 90 يوم ولو اتعاملتي معاهم صح بمعنى أنك ما لعبتيش فيهم أو أستخدمتى معاهم ماسكرا هايسترموا المده المحدده ليهم من غير مشاكل وطبعا دى هاتغنيكي عن استخدام الماسكرا بشكل مستمر وهى زى الماسكرا بالظبط فى منها نوعين : تكثيف الرموش وتطويلها
لو كانت عينيكي واسعه والجفن ليه مساحة فممكن تعملى ال Smoky Eyes و تحطى ألوان تانيه معاه لكن لو كانت عينك ضيقه فا لازم تستخدمي الالوان الفاتحه علشان تظهر كأنها واسعه .
الكحل : مضه مش بتنتهى لكن لون الكحل لازم يكون ماشى مع لون بشرتك ...ماتقلقيش تقدري تستخدمي كل الالوان لكن الاعتماد يكون على الدرجة نفسها يعنى لو بشرتك غامقة بنحط الدرجات الفاتحة من اللون ولو بشرتك فاتحة يفضل أنك ماتحطيش الألوان الصريحة يعنى ممكن مثلا تحطي اللون الأخضر مع البني.
لو هاتخرجى بالنهار حطي حاجات بسيطة جدا لان ضوء النهار بيفضح لو البشرة خالية من العيوب فا من الممكن إنك تستغني عن كريم الاساس تحطي كحل خفيف وماسكرا و البلاشر بين البينك والبيج و روج أو جلاس
لو بالليل يعتمد على السن والخروج واللبس فممكن تعملى smoky eyes مع روج فاتح أو تعملي Eye Liner وروج فاتح .