بلال فضل : إذا رأيت الرجل يدافع عن الحق فيشتم ويسب ويغضب .. فاعلم أنه معلول النية !

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
احمد ماهر: هل تعلم ان لسه فيه مصابى ثوره مش لاقيين علاج ولسه بيعانوا من الاصابات لغاية دلوقتى
أحمد العسيلي: عارفين لو كوادر الإخوان دول عندهم نجاحات عظيمة، حد بنى مدينة، اخترع اختراع، حل مشكلة، لكن مافيش حاجة خالص! منين الثقة؟.. خيرت الشاطر تاجر شاطر ويقال عنّه إنّه رجل اقتصاد هايل؟ هو ده اللي مبني عليه كل الثقة في من يحكموا مصر ومصيرها دلوقتي!!
أحمد سبايدر: تعرف يعنى ايه اخوان مسلمين يعنى السلطه اهم من اى حاجة فى الدنيا حتى الدين
علاء صادق: بدلا من الحملة الضخمة لرفض قرض صندوق النقد الدولى لانقاذ اقتصادنا المنهار من فساد مبارك. اقترحوا علينا الحلول والبدائل للاسف القرض حتمى لمصر
عمرو حمزاوي: والسؤال هو هل ستتعلم قيادات الإسلام السياسي الابتعاد عن التحايل والتلاعب بالمشاعر الدينية الصادقة وتتحمل مسئولياتها في أوطان مهددة؟ لا يبدو
عمرو خالد: إذا رأيت الرجل يدافع عن الحق فيشتم ويسب ويغضب فاعلم أنه معلول النية لأن الحق لا يحتاج إلى هذا
أسماء محفوظ: سيبو اصحاب الحقوق يطالبو بيه وتضامنو معاهم ،بلاش نغلط نفس الغلطة ونقول اصل مش وقته، عشان ده وقته من زمان واحنا اللي معطلينه باتهمهم بالفئوية
أيمن نور: لابد من التشاور لتنظيم قانوني متوازن لحق التظاهر وتغليظ عقوبة الملوتوف و الاعتداء علي المؤسسات ومعدات ومركبات وافراد الشرطه. (مصر في خطر)
بلال فضل: قبل أي موقف حنجوري تذكر هذه الحقيقة الخالدة (إحنا في السفحت تحت في الفحت) تعال نشتغل و نبقى مشرفين لديننا وبلدنا وبعدها نخرس المسيئين
د. محمد حبيب: التخطيط الجيد، والتنظيم الدقيق، والإدارة المتميزة ثم المتابعة، وقبل ذلك وضوح الرؤية، كل ذلك كفيل بالنجاح في اى عمل
جمال عيد: المتطرفين من كل الخلفيات موجودين في كل مجتمع ، ولابد من حل عادل للتعامل معهم ، دون التسرع في اطلاق الاحكام ،، ودون هيستريا
خالد دياب: ما الفرق بين داخلية مبارك وداخلية طنطاوي وداخلية مرسي طالما في ال 3 فيه خرطوش وغاز وجدار عازل ؟
خالد النبوي: الفيلم الكبير اللى حاصل هدفه ضرب ايران وتقسيم مصر ياريت بقى نشتغل ونبطل هبل
ممدوح حمزة: هل النظام الجديد يتبع اسلوب النظام القديم (خليهم يتسلوا) ... ام يجب ان التحق بالاخوان حتى يتم الرد؟!
نوارة نجم: هو ايه حالة التبلد قصاد واحد مات بخرطوش وكاتبين عليه مسجل خطر? الجدع حيضيع بين اللي ضد اهداف التظاهر والاسلاميين اللي بيستهتروا بالدماء
حازم عبد العظيم: امريكا انفعلت على الاخوان ! وبعدين افتكرت انها استثمرت فيهم كتير والفاتورة لسه ما دفعهوهاش ! لم الدور وقول مصر شريك ولا حليف ولا عدو!
أيمن الصياد: يبدو أن تغريدة لي بالأمس فهمت بغير ما تعنيه. وها أنا ذا أوضح: على المنادين بمقاطعة جوجل أن يعيدوا النظر في واقعية ما يدعون اليه.
جابر القرموطي: صباح الخير .اليوم الاول ، ساعة ونصف من البيت للمدرسة ..الطبيعي ثلث ساعة .فينك يا مجلس عسكرى كنا بناخدها فى ساعة فقط العام الماضي .ههه
دعاء سلطان: صورة الرئيس مرسي وهو بيصلي ف ايطاليا من رويترز.اللي بيقول انها فوتوشوب يروح يرفع قضية على رويترز
نادر بكار: ما حدث أمام السفارة الأمريكية أمس و يستمر إلى اليوم بعيد كل البعد عن هدف الوقفة الإحتجاجية السلمية