أحمد ماهر: اخى المواطن الشريف .. علّم على عمرو موسى واحمد شفيق مع بعض حتى نستفيد بجهودهما معا !!

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
أحمد ماهر: طب والله فكره جامده، اخى المواطن الشريف،علم على عمرو موسى واحمد شفيق مع بعض حتى نستفيد بجهودهما معا من اجل مصر
أحمد العسيلي: أنا لسه مقتنع بجودة نوع أبو الفتوح، لكن الله يسامحه حسن البنا والتمكينية العالمية الإسلامية الأمميّة هم اللي أثّروا على علاقتنا :)
أحمد سبايدر: بيع صوتك للاخوان بازازه زيت ولا بشويه دقيق ولا بكيس سكر بس اعرف ان ربنا هيحاسبك علي صوتك ده اديته لمين كلام يسيط
علاء عبد الفتاح: ممكن نبطل هري في موضوع توحيد المرشحين و تفتيت الأصوات؟ الانتخابات بدأت بالفعل و خلاص محدش هينسحب، لو فارقلك قوي ركز في الدعاية لمرشحك
عمرو دياب: To all my fans who have exams now.. Good luck to all of you
عمرو واكد: في بداية الثورة لم أكن أخشى اغلبية الإخوان في الانتخابات. كنت حاسس انهم جماعة نضال ونصرة حق. اليوم ارى مصر للأسف تنهار بسبب مواقفهم... وما زلت أؤمن ان اغلبية التيار الإسلامي بدون صلاحيات جاءت بمجهود فلولي كبير من النظام لكي تنهار أسطورتهم في إنتخابات البرلمان القادم.
أسماء محفوظ: المرشحين ليه مبيعرفوش قيمة المرأة الا وقت الانتخابات؟؟؟
بلال فضل: الناس اللي بتردد نغمة البلد محتاجة حد يشكمها نسيوا بس إن مبارك كان فاكر إنه شاكمها بأمن وقمع ومانفعوش كل ده ببصلة اشمعنى هينفع شفيق يعني
د. محمد حبيب: الروح التى تجلت فى الشعب المصرى فى ال 18 يوما الاولى من ثورته هى الوحيدة القادرة على انتشاله من كبوته
حمزة نمرة: أكتر حاجة ضحكتني الأيام دي الإنحراف المعياري لحساب أصوات موسى وشفيق كمرشحين عمال وفئات‎:) الأوْكس بقى إن حملة موسى طلّعت تكذيب هههههههه
خالد دياب: طريقة اجهاض الثورة المصرية كانت كوبي وبيست من اجهاض ثورات تانية . يعني كنا داخلين الامتحان بالكتاب وبرضه معرفناش نحل.
خالد النبوي: صباح الخير ياسامعين ابناء بلد واحده تحت السما الواحده بعد طول تفكير وتماشيا مع المجموع ورغبتهم فى انتخاب رئيس صوتى لحمدين صباحى
محمد البرادعي: لكي نكون واضحين وقبل التعديل المرتقب للاعلان الدستوري :الجيش في أي دولة ديمقراطية جزء من السلطة التنفيذية يخضع للمساءلة والمحاسبة والرقابة
محمد فتحي: شفيق يدعمه آسفين يا ريس والفلول وأعضاء الوطني المنحل ورجال أعمال مبارك وبتوع روكسي والعباسية ويروج له عبد الله كمال.ماعرفتكش انا كده
نوارة نجم: امي بقت التراس اسلاميين بافورة يارب يمسكوا البلد عشان يقولوا لها ياصفوية يارافضية ويعدموا لها بنتها عشان تعرف ان الله حق خلي سيد قطب ينفعها
أمين حداد: حقائق أولية للتذكير - فلسطين هي شعب الصمود - واسرائيل أبشع احتلال فى التاريخ - والحصار جريمة تاريخية سيدان كل من شارك فيه
جابر القرموطي: وزارة الصحة قررت معاقبة الحلاقين اللى مش حيعقموا ادواتهم للحد من فيروس سي !!! طب ازاى حيعملوا ده ؟؟
عبد الله كمال: طيب ايه رأيكم يا جماعه ان هناك صحفيين ثوريين من النوع الزاعق..اجروا اتصالات فوريه مع النائب السابق عمر ‫سليمان بعد ان اعلن ترشحه ليتقربوا منه
نبيل الحلفاوي: "مرسي: التصويت لاعلاقة له بالحلال والحرام"..كما ننتقد نشكره على هذا التأكيد وندعو الإخوان لنشر هذا المفهوم..تجنبا لذنب من يحرم حلالا.