يا مركبى دوسي على الموج الغبى عارفك تعبتى وياما لسه هتتعبى بين إللي فات والدوامات والعاصفة وما بين«فلول» وما بين عقول متخلفة مين اللى يطمن عشان حبة حيتان متكتفة فات الكتير والجاى أكتر م اللى فات مشاوير وفيها هتدفعى تمن السكات مين اللى قال السكة مفروشة بحرير؟ السكة مليانة بأشباح اللى كان وإللي استخبى منها أكتر م اللى بان لو عايزة ترسى وتحضنى بر الأمان لازم تقاسى ومن مرارك تشربى يا مركبى طول م الديول بتلفنا ف كل اتجاه والشر بيراهن على بحر الحياة هفضل مراهن ع السنين وعلى الولاد الطيبين متجمعين ومصممين ترسى على بر النجاة لو مهما كان صعب الرهان إنت اللى لازم فى النهاية هتكسبى يامركبى