مسافة

الشوق مسافة شوف ما بين القلب والننى والنشوة على سطر العمر آخر رحلة الرعشة فيا مراكبى العطوف حنن قلوع الطوف إللى ما هش طوعك من بين شطوط النزيف رجعنى على موجك بلهفتى لبدنى الرقدة سور وبخور ومنقد نور وحواجز وجوه صَدَف الخوف غنيمة العاجز الغيمة نار ومرار وترنيمة عواجز ما بيشتهيش الحزن فى البراويز غير إللى مش عايز داير ما بين الدواير غاير فى جوف الوجع وبيشتهى النسوة والفجوة بين حلمك وأيامك.. ابتدت توسع مرمى على كف الزمن عاجز.. بتقرا تعاويذك كف الزمن فى البدن مليان شقوق تعابين والتعبانين إللى زيك حلمهم مسكون فيا قلبى يا حزنان ولسا عايم بغرقك فى بحر أحزانك بعترت ليه أيامك فى عز منامك قوم لم مجاديفك من غمام الروح دا الجىّ مش كيفك خلِّى القلوع ترحل تروح ما كان ما تروح