• وأنا صغير كنت متعلقا بالراديو ما احبش التليفزيون أوي دا لأن نظرى كان ضعيفا وما عرفتش إنه ضعيف غير فى تانية إعدادي المهم، دا خلانى أسمع كتير من الأغاني قبل ما أشوفها فى التليفزيون من الأغانى اللى مخولتني «لى عشم وياك يا جميل» بتاعة محمد فوزي، كلمات بديع خيري • الأغنية بتقول إيه: لى عشم وياك يا جميل إن بحت بالسر تصونه مكتوب على أحب وأميل وحبيبى واحشانى عيونه لحد هنا عادي بيكلم حبيبه، اللى واحشه، وبيطلب منه يكتم السر كلام، زى كلام الأغاني ييجى بعدها يقول: يا هل ترى يرضيك من بعد ما جيتك آخدك نصير وسند لي تخلف رجايا فيك؟ وأنا يا اللى حبيتك من كتر ما تحبك هي هنا بقي جالى استبحس لا إرادي هى مين؟ أومال هو بيكلم مين؟ وياخده نصير ليه؟ هل مثلا بيكلم أبوها أو أخوها؟ ما يصحش يعنى هو هيقول لأبوها ولا لأخوها إنه بيحبها ويطلب منه يكتم السر؟ طب ب يكلم واحد صاحبه؟ مش معقول يعنى هو بيحب صاحبه من كتر ما «هي» بتحبه؟ إيه بقى؟ مفيش غير حل واحد: هو ب يكلم خطيبها أيوه، كدا صح ب يكلم خطيبها خصوصا إنه بعد كدا ب يقول: شاهدت حسن كتير وقليل فى دنيتى ألوان ما لقيتش زى جمالها مثيل ولا حتى فالغزلان والشوق محيرني والليل على طويل وأنا إيه يصبرني غير شكوتى لزميل؟